Stell og vedlikehald av høyreapparat
Høyreapparat består av fire komponentar: mikrofon som fangar lyden, forsterkar som gjer lyden høgare, ein receiver/mottakar som sender den forsterka lyden inn i øyret, og eit batteri for straum. Høyreapparat treng jamleg vedlikehald for at dei skal fungere tilfredsstillande for brukaren.
Sjå videoen Stell og vedlikehold av høreapparat. Høyreapparatet på filmen består av tre delar: øyreplugg, slange og batterideksel der òg forsterkaren er plassert.
Kva for ein av desse skal reinsast jamleg?
Kvifor kan det oppstå ein pipelyd etter reinsing?
Kva er viktig å hugse når du hjelper ein brukar med å ta ut høyreapparatet for natta?
Klikk deg inn på Hørselstesteren på nettsida til Hørselshemmedes landsforbund, og ta testen.
Heile klassen skal vere musestille. Noter kor mange lydar de høyrer utanfor klasserommet. Samanlikn i klassen etterpå.
Last ned appen "Spectroid" (desibelmålar) på mobilen. Gå på oppdagingsferd og noter deg både hertz (tonefrekvens) og desibel (lydstyrke) på lydar i nærområdet. Tips: Det er enklare å lese av verdiane viss du snur mobilen horisontalt.
Relatert innhald
Ein person som har ei høyrselshemming, kan lett misforstå eller mistolke dersom hen høyrer berre delar av det du seier.