Robotisering før og i dag

Robotar blir brukte av mange produksjonsbedrifter i dag og gjer det mogleg å produsere varer raskare og meir nøyaktig enn dersom menneske skulle ha gjort dei same oppgåvene. I videoen under får du sjå nokre døme på korleis robotar blir brukte.

Robotar har tradisjonelt vore best eigna til arbeidsoppgåver som kan gjerast på den nøyaktig same måten kvar gong. Eit døme på dette er ein sveiserobot på eit samleband. Robotane har vore avhengig av at alle stega dei skal gjere, er førehandsdefinert i koden.

Med smartare system og AI kan framtidige robotar i større grad overlatast til å løyse ei oppgåve i staden for å følge ei nøyaktig oppskrift. Dette gjer at vi enklare kan kombinere robot og menneskeleg produksjon og setje robotar til å gjere oppgåver som krev meir fleksibilitet enn dei tidlegare har kunna handtere.

I videoen under kan du sjå døme på robotar som kan arbeide i det same arbeidsområdet som menneske, og som bruker kunstig intelligens til å løyse spesifikke oppgåver.