Fagstoff

Gie «manne» teekstesne?

Dovne tjiehpieslidteratuvren-teeksth jïh aamhtese-teeksth maehtieh persovneles årrodh. «Manne» aktene aamhtese-teekstesne lea iktegisth akte rïektes almetje, dïhte guhte teekstem tjaaleme.

Nïejte, baernie, sarve, bovtse, råate, snöölhke, bïerne, aarhtse, åeruve, riepie, giehke, bïenje, njåemele, vetneme. Guvvie.

Tjaeleme-råålla

Gosse reakedsbiejjie-heelsegh tjaelebe dellie tjoerebe persovneles årrodh. Gosse mijjieh artihkelem jïh referaatem tjaelebe dellie tjoerebe ov-persovneles aamhtese-gïelem nuhtjedh. Sjangere soptseste guktie tjaelije tjuara tjaeledh, jis tjaelije maahta våajnoes årrodh tjaalegisnie. Gosse edtjebe håalodh jallh tjaeledh dellie sjangere tjaeleme-råållam jïh soptsestimmie-vuekieh tjaeliejasse vadta.

«Manne» aamhtese- jïh tjiehpieslidteratuvren-teekstine

Gosse tjaelije baakoem «manne» aamhtese-teekstesne tjaala, dellie daejrebe tjaelije jïjtje soptseste. Ij leah naemhtie tjiehpies-lidteratuvren-teekstesne. Akte tjiehpies-lidteratuvre tjaelije aktem orre veartenem skaepede, gusnie ij jïjtje jielieh. Dïhte soptsesem hæhtede. Jis akte «manne» fiksjovne-teekstesne dellie daejrebe ij dïhte leah tjaelije, men akte gaagkoe teekstesne mij soptseste. Gosse fiksjovnem tjaelebe dellie maehtebe fantasijem nuhtjedh.