Vegtransport av farleg gods
Med farleg gods meiner vi først og fremst stoff som er brannfarlege, eksplosive, giftige, radioaktive, etsande, oksiderande og så vidare, med andre ord stoff som kan gi katastrofale skadeverknader om det skulle skje uhell.
Det oransje skiltet (utan tal) viser at denne lastebilen fraktar farleg gods. Bilete: Ståle Gjerde / CC BY-NC-SA 4.0
Heldigvis er ulykker med farleg gods nokså sjeldne. Dei fleste ulykker skjer faktisk i samband med lasting og lossing. Men skjer det først noko, kan konsekvensane bli store.
Det er i stor grad korleis ein handterer det farlege godset, som avgjer kor farleg det er. Oppgåva di er altså vere medviten om ansvaret ditt. Du må vite kva reglar som gjeld for ulike typar farlege stoff og transportar, og du må sørgje for at du alltid følgjer desse reglane.