Steinsopp (varm)

• 150 g grisk steinsopp (eller sjampinjong)
• 1 dl nykokte, reinsa blåskjell, ev. 1 boks hermetiserte
• 10 svarte oliven
• 1 liten løk eller purre
• 1 kvitløksbåt
• 3 tomatar
• 1 neve hakka persille
• Olivenolje (eller annan matolje)
• Raspa skal av ein halv sitron
• Salt og pepper

Skjer løk/purre og kvitløk i tynne skiver. Skyll soppen og tørk den godt. Skjer den i tynne skiver. Skyll tomatane og skjer dei i bitar. Skjer oliven i skiver.
Hell 2-3 ss olje i ei gryte og la løk og kvitløk surre med i to minutt. Tilset tomat, sopp og oliven. Rør rundt og la det surre forsiktig i 10 minutt. Tilset deretter blåskjell, hakka persille, salt og pepper etter smak og raspa sitronskal. La alt trekkje under lok over svak varme i nokre minutt.
Fordel på fire tallerknar eller salatskåler. Servér med rista brød til.