Laavenjassh: Kultuvre jïh identiteete

Datne maahtah gyhtjelassigujmie joekehtslaakan barkedh jïh digkiedidh njaalmeldh jïh/jallh tjaaleldh.

1. Mah saemien kultuvren biehkieh leah vihkielommes dov mïelen mietie?

2. Mah saemien identiteeten biehkieh leah vihkielommes dov mïelen mietie?
   Daesnie baakoeh mah maehtieh datnem skreejredh:
   ^{Slïekte, maadtoe, gïele, båatsoe, eatneme, beapmoe, vaarjoeh, gapta, vytnesjidh, gööledh, möörjedh, vijredh, daajroe, maahtoe, vuekieh, soptsesh, joejkeme, Saemiedigkie, histovrije, jïjtjedomtese, ektievoete.}

3. Veeljh vïjhte baakoeh jïh digkedh/ tjaelieh åenehkslaakan mij vihkeles persovneles identiteetese.

4. Veeljh vïjhte baakoeh jïh digkedh/ tjaelieh åenehkslaakan mij vihkeles sosijaale identiteetese.

5. Veeljh vïjhte baakoeh jïh digkedh/ tjaelieh åenehkslaakan mij vihkeles saemien almetjedamtose jïh nasjonaale identiteetese.

Mah biehkieh saemien kultuvreste jïh identiteeteste eah vååjnoes jïh govloes stoere siebriedahkesne? Dah biehkieh seamma vihkeles goh dah mah vååjnoes jïh govloes jeatjabidie?

Digkedh/ tjaelieh guktie datne, saemien noerine, dov identiteetem nænnosth daaletje siebriedahkesne.