Fagartikkel
Reaktoe baakoe reaktoe tïjjese
Ij iktegisth aelhkie reaktoe baakoeh gaavnedh gosse edtjebe håalodh jallh håalemem tjaeledh. Mimie Märak væjkele håalodh jïh vuekiem Poetry-Slam nuhtjie gosse hååle.
Image: Marja Magdalena Joma / CC BY-SA 4.0
Akte nuhteligs retorihkeles dïejvese lea kairós (håaleme-tsiehkie). Dïhte åehpies håalije Górgias (medtie 485-380 Kr.å) daam dïejvesem böökti. Gorgias tjïertesti dïhte guhte sæjhta sov håaleminie lyhkesidh, tjuara dam håaleme-tseahkan sjïehtesjidh: nuepie, sijjie, tïjje, goltelæjjah, aajmoe j.n.v.
Kairós greeklaanten baakoe mij sæjhta jiehtedh ”(reaktoe) mierie” jallh ”(hijven) nuepie”.
Såemies orre meedijah leah båateme Gorgian tïjjen mænngan, men jis ibie dam krööhkesth, dle daan beajjetje håalijh tjuerieh eevre dejtie seamma tsiehkide krööhkestidh goh don aejkien. Dïhte daajbaaletje dïejvese konteekste håaleme-tsiehkien bïjre åtnasåvva, men lij aaj maahteme kairósen bïjre soptsestidh.