Hopp til innhold

  1. Home
  2. Åarjelsaemien voestesgïeline BF jïh SRChevronRight
  3. SoptseshChevronRight
  4. Soptsesi bïjreChevronRight
  5. Saemien soptsestimmievuekieChevronRight
  6. Sjeltien nåejtieChevronRight
SharedResourceDelte ressurser

Kildemateriale

Sjeltien nåejtie

Daate soptsese lea gærjeste Gåebrehki soptsesh maam Knut Bergsland tjaaleme. Gærja voestes aejkien trygkesovvi jaepien 1943 jïh mubpien aejkien jaepien 1987. Ella Holm Bull lea gærjam åarjel-saemien learoe-reaktoen mietie orresistie tjaaleme.

Almetje mij måaladamme. Guvvie.

Sjeltien nåejtie

Akte saemien gobpe mij maarhnide vöölki, jïh dellie åestieji kaaffem, jaavvoem jïh gaajhkh maam daarpesji, jïh dellie vaaresem åestieji. Jïh dellie gåetide vöölki, jïh dellie utni vihties gåetiem gusnie provhki åeredh. Jïh dellie dïhte laedtie jeehti dan saemien ålmese jïjtse laessiem gåetien sïjse tsaekedh, jïh ih galkh baajedh ålkone tjåadtjodh, for gie akt maahta båetedh jïh sualadidh dehtie sov laesseste. Ij satne utnieh maam gelkieh sualadidh.

Men dellie dan jïjjen akte laedtie bööti jïh dam sov vaaresem galka sualadidh. Jïh dellie dan tjåetskeme lij dan jïjjen. Dellie idtji buektehth destie vaadtsajidh, jïh dellie fihki tjåadtjodh desnie goske låvnes-biejjie sjïdti.

Jïh dellie laedtie jeahta dan aereden jïh gååske bæjjese edtja vaedtsedh vuartasjidh dam sov laessiem. Jaa edtja gaamedidh voestegh jïh edtja tjoevke-biejjie sjïdtedh. Jïh gosse dellie gaamedamme jïh kaaffem jovkeme, dellie olkese vaadtsije. Dellie vaadtsa olkese dan sov laessien gåajkoe. Dellie fihkie vuejnedh akte laedtie tjåadtjoeji jïh steeri dam sov vaarese-paahkam. Jïh dellie veedtsi gåajkoe jïh gijhti gïeteste, jïh dellie jeahta edtja gåatan dåeriedidh jïh dellie jovkestahkem fihkedh. Men dellie jeahta: ih galkh mubpien aejkien vaedtsedh naan slærrese doehtedidh. Jïh dellie dïhte elties hosbåanta-laedtie åadtjoeji vuejnedh barre dïhte sov kraennies-laedtie mij soelege.

Sjeltien nåejtie: Vanja Torkelsson låhka

0:00
Sjeltien nåejtie: Vanja Torkelsson låhka

Læringsressurser

Saemien soptsestimmievuekie

SubjectEmne

Læringssti

SubjectEmne

Fagstoff

SubjectEmne

Oppgaver og aktiviteter

SubjectEmne

Kildemateriale