1. Home
  2. Åarjelsaemien voestesgïeline BF jïh SRChevronRight
  3. Novellah jïh soptseshChevronRight
  4. Novellaj jïh soptsesi bïjreChevronRight
  5. Dahkoe jïh ov-vaantoeChevronRight
SubjectMaterialFagstoff

Fagartikkel

Dahkoe jïh ov-vaantoe

Tjaelije maahta viehkie-vierhtieh nuhtjedh gosse tjaalegem tjaala, guktie dahkoe jïh ov-vaantoe. Daejnie tjaelije maahta gellie bielieh aamhtesistie vuesiehtidh seamma tjaalegisnie.

Baakoeh mah måaladamme. guvvie.

Ov-vaantoe

Naan aejkien tjaelije aalka ov-vaantoen bïjre soptsestidh, mij novellen aalkoe. Tjaelije daamhtaj ov-vaantoen bïjre novellesne tjaala. Romaanine jïh guhkebe soptsesinie dellie daamhtaj gellie ov-vaantoej bïjre lohkebe.

Ov-vaantoe lea vuesiehtimmien gaavhtan:

  • göökte jallh jienebh almetjh mah dïjveldieh
  • vuestie-bieliej bïjre almetji gaskemsh, aktene daaletjen jallh dovletjen perspektijvesne - vuestie-bieliej bïjre almetjen jïh siebriedahken gaskem
  • almetjen jallh almetji gïerve etihken veeljemen jallh veeljemi bïjre

Dahkoe

Novelline jïh jeatjah åenehks soptsesinie gaavnebe mahte eejnegen barre akte dahkoe mij soptsesisnie jåhta. Guhkebe soptsesinie dellie daamhtaj jienebh dahkoeh. Jis dah ovmessie dahkoeh juhtieh seamma aejkesne, dellie mijjieh dejtie parallelle dahkojne gohtjebe.

Baakoeh

SaemienDaaroen
dahkoehandling
ov-vaantoekonflikt
vuestie-bieliemotsetning

Læringsressurser

Novellaj jïh soptsesi bïjre