1. Home
  2. Åarjelsaemien voestesgïeline BF jïh SRChevronRight
  3. FilmhChevronRight
  4. Saemien filmestudije-aarkhChevronRight
  5. Stoerre vaerieChevronRight
SubjectMaterialFagstoff

Fagartikkel

Stoerre vaerie

Stoerre Vaerie lea Christinan (Elle Marja) bïjre guhte noereaalterisnie sov slïektem jïh kultuvrem leehpi. Daelie bååstede båateme åabpebem juvledh. Jaepien 2015 daate åenehks-filme lij meatan festivaalesne Sundance Film Festival, goh voestes saemien filme.

Maj-Doris Rimpi

Dahkoe

Christina ij sïjhth, men læjhkan baernebem jïh aahkovem dåerede åabpeben juvlemasse. Gærhkosne dah åabpeben fuelhkiem jïh voelph råakedieh. Fuelhkie gaptine gåårveldahkesne, jïh muvhth aaj juejkieh. Dah Christinese saemiestieh, men Christina ij vaestedh jïh lössh ij guarkah maam jiehtieh. Christina sæjhta dan varke guktie gåarede destie vuelkedh. Gosse baernebe sæjhta fuelhkien luvnie jïjjedidh, Christina ij sïjhth dåeriedidh jïh hotell-tjïehtjelem leejjie.

Mierie-soptsese

Stoerre Vaerie lea mierie-soptsese Kernellen spïele-filmesne Saemien vïrre. Soptsese lea Elle Marjan bïjre, guhte lea noere Christina. Saemien Vïrren aalkoevisnie jïh galhkuvisinie båeries Christinam råakebe. Filmen åejvie-boelhkesne mijjieh Sveerjen bielesne 1930-låhkosne jïh åadtjobe vuejnedh guktie stoere-siebriedahke dellie saemiej vööste dåemiedi. Dïedtelgimmie jïh rasisme lin biehkie aarke-biejjeste. Elle Marja internaatese seedtesåvva ektine jeatjah saemien maanajgujmie. Raase-biologh skuvlese båetieh mah båadtsoes maanijste guvvieh vaeltieh, maanaj baenieh goerehtieh jïh njuenieh jïh gaaloeh möölieh. Elle Marja gaskesem sov saemien identiteetine nåhtehte.

Åasah jïh nammoehtimmie

Kernellen åenehks-filme Stoerre Vaerie

  • Åasam dååsteme åenehksfilme-gahtjeme Startsladden Gøteborg Film Festival, jaepien 2015
  • Meatan gahtjeme-programmesne festivaaline Sundance Film Festival jïh Clermont-Ferrand Short Film Festival
  • Jaepien 2016, filme-åasese Guldbagge nammoehtamme, klaassesne bööremes åenehks-filme

Baakoeh

Saemien

Daaroen

nammoehtimmie

nominasjon

mierie-soptsese

rammefortelling

Læringsressurser

Saemien filmestudije-aarkh