1. Home
  2. Åarjelsaemien voestesgïeline BF jïh SRChevronRight
  3. Mijjen gïeleChevronRight
  4. Åarjel-saemien grammatihkeChevronRight
  5. Raajese-bigkemeChevronRight
SubjectEmne

EMNE

Raajese-bigkeme

Gaajhkh raajesh baakoeh joekehts funksjovnigujmie utnieh raajesinie. Dah leah raajese-lïhtsh goh subjekte, ryöktesth objekte, ov-ryöktesth objekte, verbaale jïh adverbijaale. Daennie teemesne datne raajese-bigkemen bïjre lïerh jïh guktie dah joekehth raajese-lïhtsh jïh raajesh.

Baakoeh raajesetseegemen bïjre. Guvvie

Guktie raajesh bigkedh

Baakoeh joekehts funksjovnh utnieh raajesisnie. Raajesi baakoeh leah raajese-lïhtsh, goh subjekte, verbaale, objekte jïh adverbijaale, v.g.:

Subjekte Objekte Verbaale
Baernie gærjam låhka.

Fïerhten gïelen leah joekehts vuekieh guktie raajesh bigkedh. Åarjelsaemien-gïelen nøytraale raajese-bigkeme lea SOV, gusnie S lea raajesen subjekte, O raajesen objekte jïh V raajesen verbaale. Dan åvteste jiehtebe åarjelsaemien lea SOV-gïele, juktie verbe minngemes sæjjan båata daagkeres nøytraale raajesisnie.

S O V
Baernie gærjam låhka.

Jis guhkebe raajese mij adverbijaaligujmie (Adv.), dellie gellien aejkien dah adverbijaalh maehtieh joekehth sijjide båetedh raajesisnie, v.g.:

Subjekte Objekte Verbaale Adverbiaale
Baernie gærjam låhka daan biejjien.

Mujhtieh! Syntakse lea learoe mij soptseste guktie edtjebe raajesh bigkedh.

Grammatihke-baakoeh

SaemienDaaroen
baakoe-jiehtege, jiehtegefrase (gruppe av ord)
åejvie-baakoehovedord
bijjie-lïhtseoverledd
nuelie-lïhtseunderledd
raajese-lïhtsesetningsledd
ryöktesth objektedirekte objekt
ov-ryöktesth objekteindirekte objekt
sijjie-adverbijaalestedsadverbial
tïjje-adverbijaaletidsadverbial
vuekie-adverbijaalemåtesadverbial
åejvie-raajesehovedsetning
lïhtse-raajeseleddsetning
soptsestimmie-raajesefortellende setning
nyöjhkeme soptsestimmie-raajesenektende fortellende setning
gihtjeme-raajesespørresetning
nyöjhkeme gihtjeme-raajesenektende spørresetning
stilleme-raajeseimperativsetning
nyöjhkeme stilleme-raajesenektende imperativsetning

Læringsressurser

Raajese-bigkeme