1. Home
  2. Åarjelsaemien voestesgïeline BF jïh SRChevronRight
  3. Mijjen gïeleChevronRight
  4. Åarjel-saemien grammatihkeChevronRight
  5. VerbhChevronRight
  6. NyöjhkemeChevronRight
SubjectMaterialFagstoff

Fagartikkel

Nyöjhkeme

Daennie sæjrosne datne lïerh guktie saemien-gïelesne nyöjhkedh jïh verbi nyöjhkeme-hammoej bïjre, presense jïh preteritume. Lissine maahtah laavenjassh darjodh.

Infinihte verbh. Guvvie.

Nyöjhkedh

Gosse edtjebe nyöjhkedh, dellie verben nyöjhkeme-hammoem provhkebe, mij lea seamma hammoe goh verben maadtoe. Dellie verbe minngie-gietjiem -h åådtje:

Vuesiehtimmie:

  • båetieh

Maadtoe: båetie-
Maadtoe + h: båetieh

Gosse nyöjhkedh dellie sjïere nyöjhkeme-verbem ‘ij’ provhkebe. Daam nyöjhkeme-verbem ‘ij’ sojjehtibie persovni, taali jïh tïjji mietie. Dïhte jïjtjehke verbe, åejvie-verbe, edtja nyöjhkeme-hammosne årrodh:

Vuesiehtimmieh:

Ij båetieh. (presense)
Idtji båetieh. (preteritume)

Jis viehkie-verbe raajesisnie dellie viehkie-verbe edtja nyöjhkeme-hammosne årrodh jïh åejvie-verbe infinitijvesne:

Vuesiehtimmieh:

Ij sïjhth båetedh. (presense)
Idtji sïjhth båetedh. (preteritume)

Læringsressurser

Verbh