1. Home
  2. Åarjelsaemien voestesgïeline BF jïh SRChevronRight
  3. Mijjen gïeleChevronRight
  4. Åarjel-saemien grammatihkeChevronRight
  5. Seerkeme-baakoehChevronRight
  6. Verbe-seerkemh mah raajesem tsevtsiehChevronRight
TasksAndActivitiesOppgaver og aktiviteter

Oppgave

Verbe-seerkemh mah raajesem tsevtsieh

Daennie sæjrosne maahtah lïeredh guktie verbe-seerkemh raajese-tseegkemem tsevtsieh jallh jeatjahtehtieh.

Verbe-seerkemh mah raajese-tseegkemem tsevtsieh jallh jeatjahtehtieh leah daagkerh verbh, guktie:

  • buektehte, baaja jallh stillie jeatjebem maam darjodh
  • buektehte jallh baaja maam sjïdtedh jallh heannadidh
  • dan dïehre mij heannede jallh sjædta
  • heannadimmeste sjædta
  • heannadimmeste dæjpa

Vuesiehtimmieh:

Manne dam jaahkam.
Manne maanam dïsse jaehkehtem.

Gïehtjedh daejtie raajesidie. Mah joekehtsh daej göökte verbi gaskem: jaehkedh/ jaehkiehtidh?

Jïjnjh aaj seerkeme-gietjieh mah raajese-tseegkemem jeatjahtehtieh, gåhtjoeh passijve verbine.

Vuesiehtimmieh:

Nimhtie leam dan bïjre jeahteme.
Nimhtie lea dan bïjre jeahtasovveme.

Gïehtjedh daejtie raajesidie. Mah joekehtsh daej göökte verbi gaskem: jiehtedh/ jeahtasovvedh?

Seerkeme-giehtjieh jïh seerkeme-verbh

Seerkeme-gietjieh

Seerkeme-verbh

Maadth-baakoeh

Buerkiestimmieh

-htidh

-ehtedh

jaehkiehtidh

jaehkedh

jeatjebem buektiehtidh maam jaehkedh

-didh

båajtoedidh

båajtodh

almetjasse jallh juvrese dan jïjnjh beapmoeh vedtedh juktie dïhte bååjte

-edh/-ehtidh

birhkedh

barhkedh

darjodh guktie mij barhkoe

-sovvedh

jeahtasovvedh

jiehtedh

passijve verbe mij båata aktijve verbeste jiehtedh

-lgidh

bïsselgidh

bïssedh

passijve verbe mij båata aktijve verbeste bïssedh

-sidh

dïedtesidh

diedtedh

passijve verbe mij båata aktijve verbeste dïedtedh

(maadtoe e5)-dh

hopsedh

hepsedh

passijve verbe mij båata aktijve verbeste hepsedh

-lostedh

tjaajalostedh

tjaajanidh

faahketji tjaajanidh (dan dïehre heannede)

-nidh

tjaakanidh

tjeekedh

passijve verbe mij båata aktijve verbeste tjeekedh (dan dïehre jallh ajve heannede)

-htovvedh

bealhkahtovvedh

bielhkedh

passijve verbe mij båata aktijve verbeste bielhkedh (heannadimmeste dæjpa)

-htalledh

jaksehtalledh

jaksedh

passijve verbe mij båata aktijve verbeste jaksedh (heannadimmeste dæjpa jallh sjædta)

Laavenjassh

Læringsressurser

Seerkeme-baakoeh