Hopp til innhold

  1. Home
  2. Åarjelsaemien voestesgïeline BF jïh SRChevronRight
  3. DraamaChevronRight
  4. Draaman bïjreChevronRight
  5. Draaman manuskripte ChevronRight
SubjectMaterialFagstoff

Fagartikkel

Draaman manuskripte

Draaman tjaalege lea manuskripte mij teatere-vuesiehtimmien våarome. Manuskripten göökte bielieh, åejvie-teekste jïh bielie-teekste. Åejvie-teekstesne tjaaleme mah dorjehtæjjah jiehtieh jïh bielie-teekstesne scena- jïh regije-buerkiestimmieh.

Göökte sæjroeh teekstine aktene gærjesne. Guvvie.

Raahkele-Pïere

Vuesiehtimmie dorjehtimmeste Raahkele-Pïere maam Albert Jåma tjaaleme.

1. Boelhke:

1. Scena:

Soptsestæjja: Gïetine saevehte jïh jeahta:

Daate vuesiehtimmie ålvas guhkede dovletjistie. Dehtie aejkeste gåessie saemieh vïenhtin sijjieh oktegh Saemie-eatnamisnie veasoeminie.

Naakenh saemijste låavthgåetien sisnie, jïh naakenh bïjre jarkan ostedalleminie. Joejkeminie lustestalleminie. Raeffie lij. Maanah stååkedeminie.Akte nyjsenæjja joejkeminie hearlohke Saemie-eatnemen bïjre.

Nyjsenæjja:

Vuemieh dïeves vijrijste
naa, naa…
johkh dïeves loesijste
naa, naa…
stööhtjiste veljije
naa, naa…
gedtiste veljije
naa, naa…
bovtseste aaj
naa, naa…

Dialoge jïh monologe

Draaman åejvie-teekste aaj draama-dialogem gohtjesåvva juktie daesnie göökte jallh gellie almetjh soptsestellieh. Jis ajve akte råålla-gaagkoe soptseste, dellie dïhte monologe.

Scena-buerkiestimmieh

Scena-buerkiestimmieh bielie-teekstesne vihkeles bïevnesh mijjese vedtieh gusnie jïh gåessie mij akt heannede, jïh guktie scene vååjnoe. Naan draamah eah bielie-teeksth utnieh jïh dellie regisööre åådtje nænnoestidh guktie edtja årrodh. Jeatjah draamah guhkies bielie-teeksth utnieh gusnie jïjnjh buerkiestimmieh.

Regissööre nænnoste

Regissööre nænnoste jis sæjhta buerkiestimmide vihtiestidh jïh guktie edtja dejtie toelhkestidh.

Baakoeh

Saemien Daaroen
åejvie-teekste hovedtekst
bielie-teekstesidetekst
scena-buerkiestimmiesceneforklaring
råålla-gaagkoerollefigur

Læringsressurser

Draaman bïjre