Hopp til innhold

  1. Home
  2. Åarjelsaemien voestesgïeline BF jïh SRChevronRight
  3. LyrihkeChevronRight
  4. Lyrihken bïjreChevronRight
  5. DikthChevronRight
  6. Gogka mejle?ChevronRight
SharedResourceDelte ressurser

Kildemateriale

Gogka mejle?

Albert Jåma lea diktem Gogka mejle? tjaaleme. Maahtah diktem gærjesne Gorredh gïelem gaavnedh mij jaepien 2004 trygkesovvi.

Baernie daatine gïehteleminie. Guvvie.

Gogka mejle?

Manne vuertieminie
e-mejlem datneste åadtjodh.
Vuertieminie –
Gusnie lea mejle?
Vïenhtim hov bööti –
båata?????

Datne hov dåajvoehti
munnjien mejlem seedtedh –
jïh manne leam vuertieminie.
Vuertieminie gujht.

Im amma gaavnh!

Ohtsedeminie –
Ohtsedeminie –
abpe webbesne –
ij amma mij gan
gusnie gan!

Gukt’amma nimhtie jis?

Logon name!
Password!
Enter!
«No massage!»
!!!!!!!!!!!!!!!!!!!!!!!!!!!!
???????

Læjhkan biejjieh,
våhkoeh,
askh -
jaepieh dovne,
leam ohtsedeminie
Bïjre jarkan –
gaajhkem lehkiem –
voejhkelem datnem gaavnedh.

Im gujhth ennje gaavneme.

Læjhkan domtoe
ohtsedidh - -
gosse daajram
datne hov dïhte
gïem leam ohtsedeminie - -[1]

  1. 1«Gorredh gïelem». Granefjell, Aasta Joma Jåma, Albert Joma, Liv Karin. Fylkesmannen i Nordland. 2004.

Læringsressurser

Dikth