1. Home
  2. Åarjelsaemien voestesgïeline BF jïh SRChevronRight
  3. LyrihkeChevronRight
  4. Lyrihken bïjreChevronRight
  5. DikthChevronRight
  6. AejverdeChevronRight
SharedResourceDelte ressurser

Kildemateriale

Aejverde

Gustav Kappfjell lea daam diktem tjaaleme. Dikte lea gærjesne Gaaltije mij jaepien 1987 trygkesovvi.

El-faamoemaste vaeresne. Guvvie

Aejverde

Jaavoelamme jeeluve sijth
Sijti gaskem baalkah suvvielamme leah
Otnerassen duedtie haajpan eajtohte
aernh-sijjieh eah gojkoe vååjnh

Laevie, mejtie mah vuajnah vaeride?
Eatneme barre goh domtoe aejverde
Njiemesjh spaenjieh vååjnoeh giknjeldieh
Vaajjan johke ij gujht aavodh goh

Ammes guejmien faamoe tjuedtjele
Eatnemen vaajmoe baektjede
Durrien johkh jeatjah otnjegem vualkeme
Ruevtiemast barsjine råavtasjieh

Guktie laevie, monnen mænngan tjelmieh vuejnieh
Geajnoeh doeh vaeriegaskem vijtjeldieh
Ammes guejmieh vaerieh vaalmerdieh
Tjoerverh sån tjidtedh gie viesjebe lea.[1]

  1. 1«Gaaltije». Kappfjell, Gustav. DAT o.s. 1987.

Læringsressurser

Dikth