1. Home
  2. Åarjelsaemien voestesgïeline BF jïh SRChevronRight
  3. Gïeleviehkie-dïrreghChevronRight
  4. Gïeleviehkie-dïrregi bïjreChevronRight
  5. Viertiestimmie, metafovre jïh klisjeChevronRight
SubjectMaterialFagstoff

Fagartikkel

Viertiestimmie, metafovre jïh klisje

Gosse mijjieh jortehtibie mijjieh maehtebe viertiestimmieh, metafovrh jïh klisjeh nuhtjedh gïeleviehkie-dïrreginie. Gosse viertiestimmiem nuhtjebe, dellie maam akt mejnie akt jeatjabinie viertiestibie. Metafovre aaj akte viertiestimmie, men dellie ibie viertiestimmie-baakoem goh nuhtjh.

Nïejte åadtjesteminie. Guvvie.

Metafovre

Gosse mijjieh jortehtibie dellie maehtebe metafovrh nuhtjedh. Akte metafovre lea aaj viertiestimmie, men dellie ibie viertiestimmie-baakoem goh nuhtjh raajesisnie. Gosse ibie viertiestimmie-baakoem nuhtjh dellie mijjieh maehtebe raajesem sagke tjyölkehkåbpoe guarkedh. Jïh dellie ibie maehtieh raajesem jeatjhlaakan guarkedh.

Vuesiehtimmieh

Metafovre: Datne akte staaloe

Viertiestimmie: Datne goh akte staaloe

Vijriedamme metafovre

Maehtebe aktem metafovrem vijriedidh. Dellie gellie raajesh maehtieh metafovrine årrodh. Dellie mijjieh dam metafovrem gåhtjobe vijriedamme metafovre. Nils-Aslak Valkeapää lea diktem Mov veasoe lea mov vaajmosne tjaaleme. Diktesne Valkeapää metafovrem veasoe nuhtjeme, jïh diktesne Valkeapää dam metafovrem vijrede jïh buerkeste.

Mov veasoe lea mov vaajmosne

Mov veasoe lea mov vaajmosne
mij mov aktine jåhta
mov luvnie vuelie jeala

desnie aaj maanaj praahkese
bealloeh skaenieh
bïenjh huhtieh
soehpenje sjåvva
gåptoej lastoeh straptjoeh
saemiej nïejti gaalsohkh
mojjehtese aejkede

Mov veasoe lea mov vaajmosne
mij mov aktine jåhta. [1]

Klisje

Gosse mijjieh jortehtibie dellie maehtebe klisjeh nuhtjedh. Akte klisje lea viertiestimmie jallh metafovre mah mijjieh fer jïjnjem nuhtjebe. Akte klisje maahta dovne baakoeh jïh jiehtegh årrodh. Jis mijjieh maam akt gellien aejkien govleme juktie maehtebe jiehtedh ov-rovne sjïdteme dellie daate akte klisje. Daaroen gïelesne raajesh guktie; Lise skinte som en sol, jïh Hun er som en rose leah klisjeh. Mijjieh aaj maehtebe jiehtedh akte baakoe lea klisje. Dellie mijjieh daam baakoem dan gellien aejkien nuhtjebe guktie baakoe faamoem dassa.

  1. 1«Åvtese jåhta, åarjelsaemien tjaalegh jïh tjaalegh åarjelsaemien». Kappfjell, Lena Gaski, Harald. DAT o.s. 2005.

Læringsressurser

Gïeleviehkie-dïrregi bïjre