Hopp til innhold

  1. Home
  2. Åarjelsaemien voestesgïeline BF jïh SRChevronRight
  3. Gïeleviehkie-dïrreghChevronRight
  4. PersonifikasjovneChevronRight
SubjectMaterialFagstoff

Fagartikkel

Personifikasjovne

Personifikasjovne sïejhme gïeleviehkie-dïrrege. Maehtebe personifikasjovnem nuhtjedh gosse soptsestibie jïh tjaelebe.

Göökte tsåahkah haelehteminie. Guvvie.

Sïejhme viehkie-dïrrege

Personifikasjovne joekoen sïejhme gïeleviehkie-dïrrege. Gosse mij akt abstrakte almetjen jïjtsevoeth åådtje, dellie daate personifikasjovne. Maehtebe personifikasjovnem nuhtjedh gosse soptsestibie jïh tjaelebe, men maehtebe aaj kåanstesne nuhtjedh.

Daesnie naan vuesiehtimmieh:

  • Tïjje haelehte
  • Frijjevoete akte voelpe
  • Jemhkelde guavla [1]
Døden som kommer for å hente Jedermann. Foto.

Vuesiehtimmie kåansteste

Gosse mijjieh mïsse akt abstrakte almetji jïjtsevoeth vedtebe, dellie mijjese aelhkebe dam guarkedh. Tjiehpiedæjja Theodor Kittelsen guvvieh dorjeme gærjesne Svartedauden. Kittelsen lea sohtem guvviedamme goh almetje. Naemhtie sohte lea mij akt mij maahta gaajhkesidie båetedh. Aaj guarkebe guktie almetjh bïllijin jïh asvedin, sohte edtji jïjtse gåatan guessine båetedh.

Vuesiehtimmie litteratuvreste

Gærjesne Aarporten jïh åarjelsaemien smaaregh maehtebe soptsesem Klies Kliemman bïjre lohkedh. Soptsesisnie jaememe lea almetji hammoem åådtjeme. Jaememe lea jaemie-aajmoen voejkenh mah båetieh Klies Kliemman åemie gåmmebem veedtjedh.

  1. 1«Lyrihke jïh draama. Sjangerheefte 3». Palto, Kirsi. ABC-Company E-skuvla AS. 2014.

Læringsressurser

Gïeleviehkie-dïrregh