1. Home
  2. Åarjelsaemien voestesgïeline BF jïh SRChevronRight
  3. Govlesadteme ChevronRight
  4. Mij lea govlesadteme smaChevronRight
  5. Njaalmeldh åehpiedehteme ChevronRight
SubjectMaterialFagstoff

Fagartikkel

Njaalmeldh åehpiedehteme

Jis sïjhth njaalmeldh åehpiedehtemem darjodh maam dellie tjoerh ussjedidh? Daesnie naan raerieh gåessie edtjh mubpide maam akt soptsestidh, lohkedh, åehpiedehtedh jallh buerkiestidh. Guktie maahtah åehpiedehtemem aelkedh, jåerhkedh jïh galhkedh.

Nïejte biehkiem bæjjese beaja. Guvvie.

Dan nuelesne naan buerie raerieh gosse edtjh mubpide maam soptsestidh, lohkedh, åehpiedehtedh jallh buerkiestidh.

Göökte kaarh gærjah lohkeminie. Guvvie.

Aalkoe vihkielommes

Voestes minudte vihkielommes. Aellieh aelkieh iktedimmine jallh sisveginie. Buerebe jis aalkah soptsesinie, sitaatine jallh jiehtieginie.

Gaertjedh dov aamhtesem

Buerebe jis naan vihkeles tsiehkieh veeljh enn gaajhken bïjre gusnie jïjnjh bïevnesh, smaave biehkieh nommigujmie jïh taaligujmie.

Nuhtjh vihties jïh tjïelke vuesiehtimmieh

Baajh sisvegem jieledh. Nuhtjh vihties jïh tjïelke vuesiehtimmieh, jïh jielije soptsestimmievuekiem.

Soejkesjh guktie sïjhth soptsestidh

Soptsesth jeereldihkie gïeline. Maahtah soejmetji jallh snååhpehke, reegkes jallh soejme gïeline soptsestidh. Mujhtieh aaj voejngehtidh.

Soejkesjh mah viehkievierhtieh sïjhth utnedh

Jis guvvieh tekstine vuesehth aellieh dan jïjnjem fïerhten gåvvan tjaelieh jïh ij baajh dejtie guvvide åejvie-aamhtesem sjïdtedh.

Govlesadth goltelæjjide

Gutnedh goltelæjjide. Voejhkelh jïenesidie goevlelidh jïh dejtie aaj jaksedh tjelmiejgujmie. Goltelæjjah sijhtieh damtedh datne dejtie soptsesth, jis föörhkedieh jallh bååhperieh dellie vuertesth ånnetji.

Vueptesth dov kråahpegïelem

Tjåadtjoen soptsesth. Nuhtjh kråahpe-gïelem. Aellieh tjåadtjoeh gïeth låammine, marhta- jallh kroessegïeti.

Læringsressurser

Mij lea govlesadteme sma