Hopp til innhold

Oppgaver og aktiviteter

Toelhkesth jïh viertesth

Joekoen sïejhme datne tjoerh diktem toelhkestidh jallh göökte dikth viertiestdidh. Daelie datne edtjh dikth toelhkestidh jïh viertiestidh.
Diktegærjah dueljesne. Guvvie.
Åpne bilde i et nytt vindu
CC BY-SA
Bilde: Liv Karin Joma

1. laavenjasse

Toelhkesth diktem « Sirrieh» maam Ella Holm Bull tjaaleme.

Daesnie naan gyhtjelassh man bïjre maahtah ussjedidh mearan toelhkesth.

  • Gaavnh baakoeh mah diktem buerkiestieh, eannan aalkah toelhkestidh.
  • Mij dikten teema vïenhth?
  • Guktie dikte bigkeme?
  • Tjaelieh åenehkslaakan guktie dikte bigkeme. Tsiehkie-baakoeh: vierse-boelhkh, rijmh, jievkehtimmie, mubpesth jiehtedh jnv.
  • Man åvteste vïenhth tjaelije daejtie gïeleldh vierhkie-viehtide nuhtjeme?
  • Maam tjaelije sæjhta mijjese diktine soptsestidh?

2. laavenjasse

Viertesth diktide «Aellieh maaneme» maam Marhta Jåma tjaaleme jïh «Maana-gaedtie» maam Gaeptien Gåsta tjaaleme.

  • Mah seammalaakan diktine?
  • Dah seammalaakan bigkeme? Buerkesth.
  • Mah joekehtsh gaavnh?

3. laavenjasse

Veeljh aktem daejstie laavenjassijste.

  1. Tjaelieh artihkelem gusnie datne diktide «Aellieh maaneme» maam Marhta Jåma tjaaleme jïh «Maana-gaedtie» maam Gaepien Gåsta tjaaleme åehpiedehtieh jïh viertesth.

  2. Lohkh diktem «Gogka mejle?» maam Albert Jåma tjaaleme. Tjaelieh soptsesem seamma teeman bïjre.

  3. Tjaelieh jïh darjoeh PowerPoint-åehpiedehtemem teeman bïjre «Maana-baelie». Veeljh jïjtje bijjie-baakoem.
CC BY-SASkrevet av Liv Karin Joma.
Sist faglig oppdatert 21.03.2018

Læringsressurser

Lyrihken bïjre