For å bli flink til å marknadsføre og selje produkt må du kunne noko om forbrukaråtferd. Denne kunnskapen må du nytte når du utarbeider marknadsføringsstrategiar, marknadsplanar og marknadsføringskampanjar. Vidare må du kjenne til regelverk for sal og marknadsføring.

Korleis skal du selje eit produkt? Kva som er ein god salsprosess, kjem an på både produktet og målgruppa. Som seljar er det alltid viktig å etablere ein god kunderelasjon. Kommunikasjonen i salsprosessen er avgjerande for i kva grad du vil lykkast som seljar.