1. Home
  2. Markedsføring og ledelse 1ChevronRight
  3. Marknad og målgrupperChevronRight
  4. MarknadsføringsomgrepetChevronRight
  5. SneakerheadzChevronRight
SharedResourceDelte ressurser

Spillefilm

Sneakerheadz

Unge såkalla «sneakerheadz» har sidan 80-talet sett mykje på spel for å få tak i det rette paret med sneakers. Filmen utforskar korleis mote- og reklamebransjen har henta inspirasjon frå hiphop- og skate-kulturen for å nå ut til målgruppa med skorne dei sel.

Filmdetaljar

År: 2015

Opphavsland: USA

Sjanger: Dokumentar

Regi: David T. Friendly, Mick Partridge

Manus: David T. Friendly

Musikk: Rick Marotta

Medverkande: DJ Clark Kent, Jeff Staple, Mike Epps, Wale, Samantha Ronson, Frank "The Butcher" Rivera, Rob Dyrdek, Jeff Guthrie, Dave Ortiz, Daisy Williams, Elliott Curtis, Russ Bengston, Dr. Carolyn Rodriguez, DJ Skee

Om filmen

Dokumentarfilmen Sneakerheadz syner korleis lidenskapen for skotypen sneakers har gått frå å vere ein subkultur til å bli allemannseige. I filmen møter vi fleire kjende personar frå sneakers-miljøet, både designarar og skosamlarar.

Filmen peikar også på sneakerskulturen si skuggeside. Ifølgje filmskaparane skjer det om lag 1000 sneakers-relaterte drap kvart år. Mange av dei drepne er unge menneske som mistar livet i samband med overfall og ran av skorne dei går med.

Frå butikk til Internett

Tidlegare måtte sneakers-samlarane finne fram til dei fysiske butikkane i dei store amerikanske byane for å få kjøpt dei skopara dei hadde lyst på. I dag skjer mykje av handelen over Internett. Framveksten av Internett har også bidrege til at sneakerskulturen har gått frå å vere eit amerikansk fenomen til å spreie seg globalt.

Kva er sneakers?

Sneakers er ein skotype nært i slekt med tradisjonelle joggeskor og tennisskor. Ordet «sneaker» vart først teke i bruk av reklamemannen Henry Nelson McKinney.

Utviklinga av skotypen starta på midten av 80-talet, då Nike kom med nye skor som kombinerte sportsdesignet frå basketballsko med element frå såkalla gatekultur som hiphop og skating.

Læringsressursar

Marknadsføringsomgrepet

SubjectEmne

Læringssti

SubjectEmne

Fagstoff

SubjectEmne

Oppgaver og aktiviteter

SubjectEmne

Vurderingsressurs

SubjectEmne

Kildemateriale