Hopp til innhald

  1. Home
  2. Kokk- og servitørfag Vg2ChevronRight
  3. Menylære og dei ulike menytypaneChevronRight
  4. BufféChevronRight
  5. SpekematbordChevronRight
SubjectMaterialFagstoff

Fagartikkel

Spekematbord

Spekemat passar til dei fleste høve, anten det er snakk om ein enkel lunsj eller til større selskap som dåp eller konfirmasjon. Spekemat har lange tradisjonar i Noreg, og blir som oftast servert med tradisjonelt tilbehøyr. Ein kan òg utvide repertoaret med fleire sortar spekemat frå andre land, og då vil gjerne tilbehøyret òg bli noko endra.

Bilete av ei spekeskinke og frukt. Foto.

Når ein serverer spekematen, vel ein gjerne litt originale anretningar som rustikke trefjøler, flate steinar og liknande for å understreke det tradisjonelle.

Eit tradisjonelt spekematbord inneheld

  • Spekeskinke som westfaler eller pæreskinke
  • Spekepølser som fårepølse, salami, morrpølse, svartpølse
  • Fenalår
  • Spekt kjøt, som spekt reinkjøt, elgkjøt, hjarte og tunge.

Tilbehøyr

Brød: gjerne fleire typar, smaksette, grove og fine, flatbrød.
Smør: ulike typar smør eller margarin, og gjerne lettmargarin for dei som ønskjer det.
Sausar: rømme og ev. dressing laga på rømme og urter. Eggerøre: er godt som tilbehøyr til spekemat.
Frukt: Søt og godt modna frukt passar perfekt til spekemat. Melon, jordbær, mango, fersken og druer.
Salatar: Potetsalat, waldorfsalat, pastasalat og ein grøn salat smakar godt til spekemat.
Rømmegraut: er tradisjonelt tilbehøyr til spekemat.

Berekning

Rekn om lag 150 gram spekemat per person, fordel på dei ulike sortane. Spekeskinke er oftast mest populært.

Drikke:

Øl er tradisjonell drikke til spekemat, men tørr eller halvtørr kvitvin passar også bra.
Alkoholfritt: Isvatn og mineralvatn. Lenkje til artikler om drikke til spekemat på vinmonopolet.no.

Ein skål med rømmegraut og eit fat med spekemat og frukt. foto.
Rømmegraut med spekemat

Læringsressursar

Buffé

SubjectEmne

Fagstoff