Hopp til innhald

  1. Home
  2. Kokk- og servitørfag Vg2ChevronRight
  3. Menylære og dei ulike menytypaneChevronRight
  4. BufféChevronRight
  5. OstebordChevronRight
SubjectMaterialFagstoff

Fagartikkel

Ostebord

Eit ostebord kan bestå av mange ulike typar ost og godt tilbehøyr, og kan brukast ved ulike høve.

Butikklokale med oster i mange varianter.foto.
Ostebutikk i Paris

Ei osteanretning kan gjerast genialt enkel – eller spennande avansert. Ostebord er populært, anten ein serverer det som eit måltid i seg sjølv eller som forrett eller dessert. Eit ostebord bør ha ein representant frå kvar ostefamilie, då vil alle finne ein ost dei likar. Her vil vi sjå på korleis ein enkelt kan komponere eit ostefat eller ostebord, alt etter kor mange personar som skal ete. Først kjem nokre tips som kan vere nyttige når du skal komponere ei osteanretning.

Utval

Ei osteanretning bør ha ein representant frå kvar ostefamilie:

Blåmuggost

Gorgonzola, Royal Blue, Norzola Normanna, Stilton

Kvitmuggost

Brie, Camembert, Chevre, St. Marcellin

Kittmodna ost

Ridder, Port Salut, Munster, Saint-Albray

Ferskost/fløyteost

Snøfrisk, Kremost, Prèdou, Buko, Mascarpone, Ricotta

Faste og halvfaste ostar

Jarlsberg, Sveitser, Edamer

Ulike typer os på et bord.Foto.

Temperering

Osten smakar best når han er rett temperert. Dei fleste ostar får fram den gode smaken og aromaen etter om lag 1 time i romtemperatur. Det er alltid lurt å skjære osten mens han er kald frå kjøl – tempererte ostar er mjuke og vanskelegare å skjere pene stykke av.

Oppdeling

For at osten skal sjå innbydande ut, er det viktig å bruke riktige reiskapar når ein skjer den opp. Ein stor kniv er nødvendig for å dele opp store runde ostar, mens ein rifla tomatkniv eller ein rotkniv er hendige når osten skal skjerast i serveringsklare stykke. Ostehøvelen passar best til faste, kvite ostar.

Når ein skjer med kalde knivar, har ostane ein tendens til å henge seg fast. Set difor knivane i varmt vatn undervegs. Då vil det vere lettare å skjere fine stykke. Ver òg nøye med å byte knivar ofte fordi ulike ostetypar lett tek smak av kvarandre.

Presentasjon

Ost treng ikkje nødvendigvis serverast på fat. Ofte kan det vere spennande å leggje opp osten på originale måtar på ostebordet. Flate steinar, rustikke trefjøler, speilplater, aluminiumsfolie – det er mange moglegheiter.

Tilbehøyr

Brød

Gerne fleire typar, smaksette, grove og fine.

Kjeks

Nøytrale, søte, salte og krydra.

Smør

Ulike typar smør eller margarin, og gjerne lettmargarin for dei som ynskjer det.

Fruk

Søt og godt modna frukt passar perfekt til ost. Pærer, aprikosar, fersken og druer.

Nøtter

Salte og rista nøtter er godt tilbehøyr til ost.

Honning

Serverer ein ost som dessert, er honning og salte nøtter eit godt følgje.

Grønsaker

Reddikar, stongselleri, paprika osv. har lenge vore tradisjonelt tilbehøyr på osteanretningar. Ein kan sjølvsagt servere dette til ost, men skal det serverast vin til osten, vil vinen då bli «slått i hel» av dei rå grønsakene.

Spekeskinke og ulike salamitypar

servert med sølvlauk og sylteagurk passar dette òg saman med enkelte typar ost.

Bilde av blåmuggost, rabarbra og gulrotmarmelade

Mengde

Vanlegvis går det meir av milde ostar enn av skarpe, så rekn alltid mest av dei milde ostetypane. Ein tommelfingerregel når ein skal rekne ost per person, er:

200 g til «ostekveld»
150 g til snacks
50 g til forrett
75 g til dessert

Drikke

Ein frisk kvitvin med litt søtleik. Øl kan òg passe til ost.

Alkoholfritt

Eplejuice, druejuice, eplesider eller mineralvann.

Her er to videoar med tips og råd om ost og drikke.

Læringsressursar

Buffé

SubjectEmne

Fagstoff