Hopp til innhald

  1. Home
  2. Kokk- og servitørfag Vg2ChevronRight
  3. Menylære og dei ulike menytypaneChevronRight
  4. BufféChevronRight
  5. LunsjbordChevronRight
SubjectMaterialFagstoff

Fagartikkel

Lunsjbord

Lunsj er for dei fleste dagens andre store måltid, og ein et lunsj mellom frukost og middag. Eit lunsjbord består av mange rettar, både kalde og varme, i tillegg til dessert. Eit lunsjbord har mange fordelar for gjestar som har avgrensa tid.

Bilete av eit par som forsyner seg frå lunsjbuffeten på eit hotell. Foto.

Lunsjen et ein midt i ein travel arbeidsdag, og menyen må ikkje vere for kraftig slik at gjestane framleis er oppkvikka når dei skal tilbake til jobb. Den må i tillegg serverast raskt fordi det som oftast er sett av ei viss tid til å ete han. Lunsjbord er dermed ofte ei god løysing. Maten er ferdig lagd opp på bufféen slik at gjestane kan forsyne seg med det same dei kjem. Gjestane blir aktiviserte fordi dei må hente maten sjølve, og slepp å sitje å vente på at maten skal serverast.

Lunsjbordet har ofte fleire rettar å velje mellom, og gjestane kan velje den typen mat dei likar best. Vi brukar enklare rettar til lunsj enn til dei andre varme måltida.

Eit lunsjbord inneheld mange av dei same rettane som eit frukostbord, med unnatak av kornprodukta. Eit lunsjbord har som oftast fleire kalde rettar, nokre varme rettar og dessertar.

Kalde rettar:

  • Grava eller røykt fisk med eggerøre
  • Skaldyr som reker og krabbe, servert naturell eller i salat
  • Hamburgerrygg eller krydderskinke
  • Roastbiff med remulade
  • Assortert spekemat med eggerøre, rømme og potetsalat
  • Heile steiker
  • Kald kylling med waldorfsalat

Dei varme rettane er:

  • Eit utval av dei fiskerettane som skal vere hovudrett lunsj
  • Eit utval av dei kjøtrettane som skal vere hovudrett lunsj
  • Pastarettar
  • Eggerettar
  • Supper
bilde av torsk med potet, oliven og tomater
Ovnsbakt torsk med grønnsaker er døme på ein fiskerett som kan serverast til lunsjbordet.

Dessertar

  • Frukt som er posjert, skoren i skiver eller fruktsalat
  • Puddingar og fromasjar med passande dessertsausar
  • Kremar
  • Isdessert

Tilbehøyr

Brød: gjerne fleire typar, smaksette, grove og fine, flatbrød og kjeks.
Smør: ulike typar smør eller margarin, og gjerne lettmargarin for dei som ønskjer dette.
Sausar: majones, aioli, rømmesausar og coctaildressing.
Salatar: grøn salat, pastasalat, waldorfsalat.

Mengdeutrekning

Kor mykje mat ein skal rekne, er avhengig av kor stort lunsjbordet er, og mengde kjøt og fisk avheng av tilbehøyret. Rekn om lag 500–600 g mat per person inkludert tilbehøyr. Lenkje til artikkelen "Mengdeutrekning" på ndla.no.

Drikke

Isvatn, mineralvatn, juice, kaffi og te.

Fruktsalat i posjonsglass

Læringsressursar

Buffé

SubjectEmne

Fagstoff