Hopp til innhald

  1. Home
  2. Kokk- og servitørfag Vg2ChevronRight
  3. Menylære og dei ulike menytypaneChevronRight
  4. BufféChevronRight
  5. KaldtbordChevronRight
SubjectMaterialFagstoff

Fagartikkel

Kaldtbord

Kaldtbord er ein vanleg buffé som blir servert ved mange ulike høve. Her skal vi sjå på kva for rettar ein kan vente å finne på eit tradisjonelt tillaga kaldtbord.

Mange fat med ulike matretter på eit kaldtbord. Foto.

Dei ulike rettane

Kaldtbord er ein buffé som består av ulike typar rettar. Eit kaldtbord består hovudsakleg av kalde rettar, men varmrettar førekjem òg. I tillegg er det vanleg å servere dessert. Kaldtbord kan brukast til dei fleste høve, anten det er ein konfirmasjon, eit bryllaup eller ein dåp. Kaldtbordet inneheld mange av dei same rettane som ein kan finne på eit lunsjbord. Gjestane har eit godt utval og kan forsyne seg med det dei likar best. Mange av rettane på eit kaldtbord kan lagast til i god tid på førehand.

På eit kaldtbord er det vanleg å finne:

  • Heilkokt laks eller aure med peparrotkrem
  • Grava eller røykt fisk med eggerøre
  • Assortert spekemat med eggerøre, rømme og potetsalat
  • Roastbiff med remulade
  • Kabaret av skaldyr og grønsaker
  • Skinkesteik med raudkål
  • Assortert ostefat med nøtter og honning
  • Karbonadar med steikt lauk, servert kalde eller varme
  • Kyllinglår, servert kalde eller varme
Gravlaks med Ravigottsaus. foto.
Gravlaks er vanlig å finne på et koldtbord.

Tilbehøyr

Brød

Gjerne fleire typar, smaksette, grove og fine, flatbrød og kjeks.

Smør

Ulike typar smør eller margarin, og gjerne lettmargarin for dei som ønskjer dette.

Sausar

Majones, aioli, rømmesausar og coctaildressing.

Salatar

Grøn salat, pastasalat, waldorfsalat.

Dessertar

Frukt som er posjert, skoren i skiver eller fruktsalat. Puddingar, gelear og fromasjar med passande dessertsausar. Kremar, isdessertar og kaker.

Mengdeutrekning

Kor mykje mat ein skal rekne, er avhengig av kor stort kaldtbordet er, og mengde kjøt og fisk avheng av tilbehøyret. Rekn om lag 500–600 g mat per person inkludert tilbehøyr. Lenkje til artikkelen "Mengdeutrekning" på ndla.no.

Drikke

Øl og akevitt er vanleg. Skal det serverast vin, kan det vere ein rosévin, tørr eller halvtørr kvitvin.

Alkoholfritt

Isvatn, mineralvatn, kaffi og te.

Sitronfromasj i dessertglass med lav stett.foto.
Kva med sitronfromasj til dessert?

Læringsressursar

Buffé