Hopp til innhald

  1. Home
  2. Kokk- og servitørfag Vg2ChevronRight
  3. DrikkevarerChevronRight
  4. VinområdeChevronRight
  5. Det austlege MiddelhavetChevronRight
SubjectMaterialFagstoff

Fagartikkel

Det austlege Middelhavet

Vinproduksjonen går svært langt tilbake i desse områda. Etter den bibelske forteljinga der Noahs ark stranda på fjellet Ararat i Tyrkia, var han den første som grunnla ein vinhage.

Historikk

I Hellas var vindyrking så viktig at dei hadde ein eigen vingud, Dionysos. I Israel i gammal tid rekna ein dei mest nødvendige næringsmidla til å vere brød, olje og vin. Det blir hevda at dei har laga vin i 4000–5000 år i desse områda. Elles har desse landa stor produksjon av matdruer og rosiner.

Hellas

Kart over vinområdene i Hellas. Foto.
Kart over vinområdene i Hellas.

I Hellas blir det produsert vin på heile fastlandet og på øyane. Det blir laga både raud-, kvit-, rosé- og fleire sterkvinar. Etter at landet blei EU-medlem, har dei fått ein vinlov etter mønster av den franske, med 27 regionar. Klimaet er tørt og eigentleg for varmt til å få fram kvalitetsvin slik ein føretrekkjer han i Vest-Europa, men her òg blir det jobba med moderne metodar.

I dei vestlege landsdelane blir det laga ein del kvitvin, i Peloponnisos både raud og kvit, og elles blir det produsert raudvin over heile landet. Kjende raudvinsdistrikt er Naoussa i Makedonia, Mavroudi i den sentrale delen og Kreta.

Det er stor lokal variasjon på raudvinane, frå friske og fruktige til kraftige og noko søte. Det siste er tilfellet i andre av desse landa. Og igjen kjem dette med lokal mat og vin inn. Til for eksempel nokre gryteretter blir kjøttet kokt med kanelstong for å få det mørt. I tillegg blir det gjerne brukt tomatar. Slik får retten ein litt søt, krydderaktig smak som denne søte raudvinen går ypparleg til.

Retsina

Retsina er nok den vinen som dei fleste kjenner frå Hellas. Det er ein kvitvin som blir tilsett kvae (harpiks) under gjæringsprosessen for å få fram den bestemte smaken. Før det blei vanleg å bruke glasflasker, blei vinen oppbevart på amforaer (leirkrukker). For å tette desse blei det lagt eit tynt lag kvae over vinen. Dette gav smak som ein har vant seg til, og ein heldt fram med kvaa etter at flaske og kork blei tekne i bruk. Det finst òg ein variant av rosévin. Vinen blir laga i regionen Attici rundt Athen.

Israel

Israel har som nemnt lang vintradisjon, men druedyrkinga låg nede under den muslimske okkupasjonen i tusen år. Ho starta først skikkeleg opp att på slutten av 1800-talet, då den franske baronen Edmond de Rothschild betalte for store produksjonsanlegg ved Tel Aviv og Haifa. Det blir brukt mykje franske druetypar.

Læringsressursar

Vinområde

Kva er kjernestoff og tilleggsstoff?
SubjectEmne

Fagstoff

  • SubjectMaterialFagstoff

    Australia

  • SubjectMaterialFagstoff

    Frankrike

  • SubjectMaterialFagstoff

    Bordeaux

  • SubjectMaterialFagstoff

    Chablis

  • SubjectMaterialFagstoff

    Loire

  • SubjectMaterialFagstoff

    Alsace

  • SubjectMaterialFagstoff

    Champagne

  • SubjectMaterialFagstoff

    Italia

  • SubjectMaterialFagstoff

    Piemonte

  • SubjectMaterialFagstoff

    Veneto

  • SubjectMaterialFagstoff

    Portugal

  • SubjectMaterialFagstoff

    Spania

  • SubjectMaterialFagstoff

    Tyskland

  • SubjectMaterialFagstoff

    Rhindalen

  • SubjectMaterialFagstoff

    Afrika

  • SubjectMaterialFagstoff

    Bulgaria

  • SubjectMaterialFagstoff

    Austerrike

  • SubjectMaterialFagstoff

    Ungarn

  • SubjectMaterialFagstoff

    Amerika

    Tilleggsstoff er fagstoff
    AdditionalTilleggstoff
  • SubjectMaterialFagstoff

    Sør-Amerika – Argentina

    Tilleggsstoff er fagstoff
    AdditionalTilleggstoff
  • SubjectMaterialFagstoff

    Sør-Amerika, Chile og Uruguay

    Tilleggsstoff er fagstoff
    AdditionalTilleggstoff
  • SubjectMaterialFagstoff

    Nord-Amerika

    Tilleggsstoff er fagstoff
    AdditionalTilleggstoff
  • SubjectMaterialFagstoff

    California - historikk og klimasoner

    Tilleggsstoff er fagstoff
    AdditionalTilleggstoff
  • SubjectMaterialFagstoff

    Vinregionar i Australia

    Tilleggsstoff er fagstoff
    AdditionalTilleggstoff
  • SubjectMaterialFagstoff

    Médoc og Graves

    Tilleggsstoff er fagstoff
    AdditionalTilleggstoff