1. Home
  2. Kokk- og servitørfag Vg2ChevronRight
  3. Råvarer og produksjonChevronRight
  4. Korn og bakingChevronRight
  5. SpeltChevronRight
SubjectMaterialFagstoff

Fagartikkel

Spelt

Spelt er ein kornart som er nært i slekt med kveite. Han vert ofte kalla urkornet. Spelt var tidlegare ein svært viktig kornsort, og har vore dyrka i Norden i meir enn 4500 år. Spelt finst som sikta spelt og sammalen spelt. Spelt kan erstatta kveite i alle slags bakverk og matretter.

Spelt. Foto

Bruk

Spelt kan erstatta kveite i alle slags bakverk og matretter, men ter seg noko annleis og toler mellom anna mindre elting.

Marknaden tilbyr ei rekkje ulike speltråvarer og produkt. Nokre er kryssa med vanleg kveite. Andre er reine speltsortar. På den norske marknaden finst både norskdyrka og importert spelt. Den norskdyrka spelten er for det aller meste av dei opphavlege speltsortane oberkulmer rotkorn og ebner. Importert spelt er oberkulmer rotkorn i tillegg til frankenkorn, som er kveitekryssa spelt.

Spetbrød, aks og brødpose. Foto.
Speltbrød med aks av spelt

Speltmjøl

Spelt finst som sikta spelt og sammale spelt. Spelt kan erstatta kveite i alle slags bakverk og matretter. Spelt ter seg noko annleis fordi denne kornsorten har svakare gluten enn kveite, og han toler mellom anna mindre elting.

Gryn av spelt. Foto.
Gryn av spelt

Næringsinnhald

Spelt skal etter seiande ha fleire positive helseeigenskapar, men det er relativt lite som er vitskapleg dokumentert. Spelt har truleg noko høgare innhald av vitamin og mineral. Spelt har ofte eit høgt proteininnhald (gluten). Personar cøliaki kan derfor ikkje eta spelt.

Sjå matvaretabellen for nærare opplysingar om næringsinnhald på matvaretabellen.no

Hugselappen

Sesong

Spelt vert hausta når han er mogen, vert lagra og er å få kjøpt heile året.

Utbreiing

Spelt er ei nøysam plante som kan dyrkast i nordlege strøk. Mykje spelt vert dyrka økologisk.

Med andre ord:

Latin: Triticum spelta
Engelsk: Spelt
Tysk: Dinkel
Fransk: Épeautre

Læringsressursar

Korn og baking

SubjectEmne

Fagstoff