Hopp til innhald

  1. Home
  2. Kokk- og servitørfag Vg2ChevronRight
  3. Råvarer og produksjonChevronRight
  4. Korn og bakingChevronRight
  5. BrødmatChevronRight
SubjectMaterialFagstoff

Fagartikkel

Brødmat

Her skal vi sjå på dei ulike hovudgruppene av brødmat.

en kollasj med forskjellig påsmurt brødmat

Hovudgruppene av brødmat

  • bagett
  • fransk horn (croissant)
  • horn
  • kanapé
  • landgang
  • rundstykker
  • sandwich
  • snittar
  • smørbrød
  • spesialsmørbrød

Bagett

Ein bagett er ein porsjonspariserloff som blir skoren opp langs den eine langsida. I opninga blir det lagt pålegg.

Fransk horn (croissant)

Fransk horn blir laga av ein gjærdeig med innbakt feitt. Hornet blir delt i to på langs og blir smurt før pålegget blir lagt på.

Horn

Til horn bruker vi same deig som til rundstykke. Horn blir delte i to på langs og smurde før pålegget blir lagt på.

Kanapé

Tre kanapeer på grovt brød. Foto.
Tre kanapeer på grovt brød

Generelt: Skjer formloff i 10–12 mm tjukke skiver. Skjer loffskivene i ønskt fasong, frå 3 til 6 cm i diameter. Loffskivene blir ofte smørrista. Vanlegvis blir det brukt dyrt pålegg og stilig pynt. Aktuelle påleggstypar: reker, kaviar, østers, blåskjel, hummar, krabbe, laks, ål, roastbiff, spekeskinke, tunge, gåselever, camembert, brie og liknande.

Landgang

Skjer formloff på langs i fine skiver og smør han. Legg ulike typar pålegg på. Kvar påleggstype får garnityr og pynt som passar til.

Rundstykker

Del rundstykke i to på tvers. Kvar halvdel blir smurd og dekt med pålegg og pynt. Kuvertbrød er små rundstykke som kan serverast til supper og liknande.

Sandwich

Legg saman to skiver loff, ferske eller rista, med pålegg mellom. Sandwichar kan serverast både varme og kalde.

Sandwich med egg og bacon. Foto.
Sandwich med egg og bacon

Snittar

Snittar er skiver av formbrød som blir delte diagonalt. Det blir ofte brukt pålegg frå gruppene kjøtt, fisk, leddyr, ost, salatar og egg. Snittar blir rikt pynta.

Smørbrød

Til smørbrød bruker vi ei heil skive brød. Formsteikte brød blir mykje brukte. Smør brødskiva, dekk med pålegg og dekorer med garnityr.

Spesialsmørbrød

Spesialsmørbrød er varme eller kalde smørbrød med ulike typar pålegg.

Retningslinjer for tillaging av brødmat

  • Bruk alltid nyskore, ferskt brød.
  • Smør på eit tynt lag smør som dekkjer den eine sida.
  • Bruk nyskore eller friskt pålegg.
  • All pynt som blir brukt, må vere frisk og mogleg å ete.
  • Pynten skal plasserast slik at pålegget blir hovudelementet.

Læringsressursar

Korn og baking

SubjectEmne

Fagstoff