1. Home
  2. Kokk- og servitørfag Vg2ChevronRight
  3. Råvarer og produksjonChevronRight
  4. DessertChevronRight
  5. Varme dessertarChevronRight
SubjectMaterialFagstoff

Fagartikkel

Varme dessertar

Her finn du oversyn over varme dessertar og framgangsmåte for nokre av dei.

Varme desserter. Fotokollasj.
1) Varme pannekaker med appelsin og vanilje. 2) Steikt sjokolademousse med lune eple og pekannøtter. 3) Kanelkrem og eplekompott. 4) Limepai med marengslokk. 5) Sjokoladesufflé.

Varme dessertar

  • dessertsupper
  • fruktbeignet
  • fruktdessertar
  • omelett
  • krutong
  • timbal
  • pai
  • pannekaker
  • pudding
  • sufflé

Dessertsupper

  • bær- og fruktsupper
  • grynsupper
  • mjølkesupper

Dessertsupper blir mest brukte i institusjonar.

Dessertsupper

Fruktbeignet

  • Frukta blir ofte marinert i likør.
  • Tørk frukta godt, dypp henne i frityrrøre og steik i nytt frityrfeitt ved 180 °C.
  • Steik til ho er gyllen og legg på porøst papir.
  • Vi kan òg drysse ho med melis og glasere i salamander.
  • Server med ein dessertsaus.

Fruktdessert

  • Bruk faste frukter som eple og pærer.
  • Skrell frukta og ta ut kjernehuset.
  • Fyll kjernehuset med for eksempel farin og kanel.
  • Steik frukta i ei smurd form i omnen med litt sukkerlake i botnen.
  • Frukta kan òg bakast inn i butterdeig før ho blir steikt i omnen.
  • Steik i cirka 10–20 minutt ved 200 °C.
Varme dessertar med frukt

Omelett

  • Slå egg, farin og salt lett saman og steik blandinga som ein vanleg omelett i ei varm, smurd panne.
  • Fyll omeletten og kvelv han over på eit fat.
  • Drys over farin og lag gittermønster med glødande jern.

Omelett kan òg lagast som sufflé.

  • Bland eggeplommer, vatn og melis lett saman.
  • Pisk eggekvitane stive og bland dei inn i massen.
  • Hell blandinga i smurd panne og steik henne i omn ved 200 °C på nedste rille.
  • Når omeletten er gyllenbrun, set han på øvste rille eller i salamander og steik ferdig.
  • Ha frukt på den eine halvdelen. Brett over og kvelv omeletten over på eit fat.
Dessertomelett

Pai

  • Lag deigen først. Bland mjøl, margarin og salt.
  • Tilset vatn og arbeid deigen raskt saman til ei fast kule.
  • Dekk deigen med plast og lat han kvile kaldt i minimum 30 minutt.
  • Fôr ei paiform med eit jamt lag deig. Lat deigen stikke cirka 2 cm over kanten.
  • Prikk deigen godt med ein gaffel og steik han i cirka 15 minutt ved 200 °C.
  • Ta ut forma og avkjøl.
  • Fyll forma med oppdelt frukt.
  • Drys på farin og eventuelt andre smaksstoff.
  • Reinskjer forma og pensle med egg.
  • Legg eit deiglok over, som skal prikkast og penslast med egg.
  • Steik paien i cirka 35–40 minutt ved 200 °C eller til loket er gyllenbrunt og frukta mjuk.
Sesampai med kryddersirup

Pannekaker

  • Rør saman egg og farin.
  • Tilset mjølet og rør til ein jamn masse.
  • Rør inn kokande margarin.
  • Rør inn mjølk og eventuelle smaksstoff.
  • Lat røra kvile cirka 30 minutt.
  • Steik tynne pannekaker på middels varm panne.

Timbalar

  • Kle ei smurd timbalform i botnen og på sidene med ein briochedeig, mørdeig eller skiver av sukkerbrød.
  • Fyll forma med krem eller fruktkompott.
  • Legg eit lok av deig på forma.
  • Deigloket må ha eit lite hòl på midten, slik at dampen slepp ut.
  • Steik timbalen ved 200 °C til deigen er ferdig.
  • Kvelv timbalen på fat og masker han med fruktsaus.
Desserttimbal

Læringsressursar

Dessert