Her får du ei lita innføring i korleis kokt, salta, røykt eller tørka kjøt kan bli handsama.

Kokt kjøt

Kokt kjøt skal vaskast godt eller blansjerast. Kjøtet bør koke i ein kjel med vid botn, utan lokk. Til salta, røykt eller tørka kjøt blir det nytta skinke, svinebog og sauelår.

• Vask kjøtet godt eller blansjer det.
• Kjøtet bør koke i ein kjel med vid botn, utan lok.
• Hell i kald kraft eller vatn til kjøtet er dekt.
• Kok opp til væsketemperaturen når 65 °C. Trekk vidare til kjøtet har nådd ein kjernetemperatur på 65 °C (eller til kjøtet er passe mørt).
• NB! Hugs å skumme krafta under oppkokinga.

Kjøt som blir kokt ved 65 °C, blir mørare og meir aromarikt enn kjøt som blir kokt ved 100 °C. Dessutan blir svinnet mindre.

Røykt eller tørka kjøt

Kjøtstykke som lår eller bog eignar seg for røyking og tørking, og brystbein for til dømes pinnekjøt. Dette blir først salta i saltlake og deretter anten hengt til tørk eller røykt før det blir hengt til tørk. Det er lange tradisjonar for dette både i Noreg og i utlandet. Før i tida vart dette gjort for å bevare kjøtet lenger når ein hadde slakta. For å gjere dette, må du ha gode råvarer og føre nøye tilsyn under prosessen.