Hopp til innhald

  1. Home
  2. Kokk- og servitørfag Vg2ChevronRight
  3. Råvarer og produksjonChevronRight
  4. KjøtChevronRight
  5. Farsar og frityrsteikingChevronRight
SubjectMaterialFagstoff

Fagartikkel

Farsar og frityrsteiking

Vi har forskjellige typar farsar: duxelles-massar, finmalne farsar, grovmalne farsar og vanlege farsar. Kjøt som skal frityrsteikjast, blir anten panert eller dyppa i frityrrøre før steiking.

Matrettar av farse. Fotokollasje.
Matrettar av farse: 1) Spanske kjøtbollar. 2) Bratwurst. 3) Frityrsteikte kjøtbollar av kalv. 4) Kålrulettar av kyllingfarse. 5) Kjøtpudding med paprika og pistasjnøtter.
Farsering og fritering av kjøtt

Duxelles-massar

Ein duxelles-masse er ingen kjøtfarse, men ein farse som kan innehalde kjøt. Hovudingrediensane er finhakka sjampinjong, sjalottlauk og persille. Dette blir frest saman med litt feitt.

Finmalne farsar

Finmalne farsar blir malne éin gong og finhakka i hurtighakkar. Ein alternativ framgangsmåte er å male farsen fem–seks gonger.

Korleis ein lagar kjøtfarse steg for steg. Fotoserie.
Korleis ein lagar kjøtfarse steg for steg

Grovmalne farsar

Grovmalen farse er reint kjøtt som blir male éin gong og kan tilsetjast eggeplommer eller eit spesielt garnityr, for eksempel lauk og kapers.

Vanlege farsar

Vanlege farsar blir kverna to–tre gonger før dei blir ferdigarbeidde i miksar saman med potetmjøl, salt, krydder og mjølk.

Oversyn farsar: Duxellesmassar, grovmalen deig, finmalen deig, vanlege farsar. Illustrasjon.

Frityrsteiking

Frityrstekte kjøttboller av kalv på en tallerken. Foto.
Frityrsteikte kjøttbollar av kalv

Kjøt som skal frityrsteikast, blir anten panert eller dyppa i frityrrøre før steiking. Ved steiking blir følgjande varmegradar brukte:

Varm frityr: 135 ºCDet boblar når vi kastar persille i.
Svært varm frityr: 160 ºCDet knitrar når vi kastar persille i.
Heit frityr: 180 ºCKvit damp stig opp, og det blir ei utprega frityrlukt.

Den vanlegaste temperaturen for steiking er 160 ºC. Då blir kjøtet bruna samstundes som det blir gjennomsteikt.

Framgangsmåte

Frityrsteiking steg for steg. Illustrasjon.

Læringsressursar

Kjøt