Å foredle råvarene på ein god måte er viktig både for å framheve smaken, auke haldbarheita og jobbe på ein berekraftig god måte. Best mogleg tillaging og produksjon i alle ledd er viktig for god økonomi i bedrifta du skal jobbe i.

Korn blir dyrka over heile verda og er ei viktig næringskjelde. Det blir brukt til både mat og dyrefôr. I Noreg dyrkar vi mest kveite, bygg, havre og rug. Mjøl er knust korn, og det kan knusast eller malast til ulike grader. Bakeevna varierer med kornsortane.

Korn og mjøl er ei råvare som menneske har nytta i mange tusen år. Korn og mjøl inneheld masse gode næringsstoff og har eigenskapar i matlaging som gjer at det kan nyttast til å lage masse gode produkt.