Hopp til innhald

  1. Home
  2. Restaurant- og matfag Vg1ChevronRight
  3. Kosthald og helseChevronRight
  4. Energigivande næringsstoffChevronRight
  5. Næringsberekning ChevronRight
TasksAndActivitiesOppgaver og aktiviteter

Oppgaver og aktiviteter

Næringsberekning

I denne oppgåva lærer du å rekne ut kor mange KJ/kcal det er i ulike matvarer, og du skal også lære deg å betre forstå forholdet mellom inntak av kaloriar og behov.

Eit stykkje sjokoladekake. Foto.

Om oppgåva

I del 1 skal du rekne ut energimengda i eit stykke sjokoladekake med glasur, som veg 80 gram. Du får oppgitt kor mange kcal/KJ det er i eitt kakestykke, og må gonge ut energimengda per næringsstoff.

I del 2 skal du rekne ut energiprosenten for éin dag av protein, feitt og karbohydrat.

Del 1 – rekne ut næringsinnhaldet i eit kakestykke

1 stykke sjokoladekake inneheld:

  • 49 gram karbohydrat
  • 3,3 gram protein
  • 8,4 gram feitt
  1. Kor mange kcal/KJ kjem frå karbohydrat?
  2. Kor mange kcal/KJ kjem frå feitt?
  3. Kor mange kcal/KJ kjem frå protein?
  4. Kor mange kcal/KJ er det totalt i kakestykket?
  5. Kor mange E-prosent er det tilrådd at vi får i oss kvar dag frå dei ulike næringsstoffa?

Del 2 – rekne ut næringsinnhaldet for éin dag

Brødskiver på ein tallerken med eit glas mjølk ved sidan av. Foto.
Et du ein god norsk frukost, gir dette deg eit greitt inntak av dei ulike næringsstoffa. Det er tilrådd 45–60 % karbohydrat, 10–20 % protein og maks 40 % feitt.
  1. Det er tilrådd at ei jente mellom 14 og 17 år, som er middels aktiv, skal få i seg om lag 9 600 kJ kvar dag. Dersom Kari på 16 år et 96 g protein på éin dag; kor mange E% av tilrådd mengde svarer dette til?
  2. Det er tilrådd at ein gut mellom 14 og 17 år, som er middels aktiv, skal få i seg om lag 12 300 kJ kvar dag. Dersom Kristian på 16 år et 127 g protein og 132 g feitt på éin dag; kor mange E% protein og kor mange E% feitt av tilrådd mengde svarer dette til?
  3. Dersom du reknar med tilrådd mengde dagleg energi, får Kristian i seg for mykje, for lite eller akkurat passeleg mengde av protein og feitt? Kor mange gram protein og feitt bør han ete for å dekkje tilrådd dagleg inntak av næringsstoff? Rekn med 15 E% protein og 25 E% feitt.

Så mykje energi gir dei ulike næringsstoffa:

  • 1 g feitt = 37 kJ / 9 kcal
  • 1 g protein = 17 kJ / 4 kcal
  • 1 g karbohydrat = 17 kJ / 4 kcal

Læringsressursar

Energigivande næringsstoff