Hopp til innhald

  1. Home
  2. Restaurant- og matfag Vg1ChevronRight
  3. Servering og drikkevarerChevronRight
  4. Te og kakaoChevronRight
  5. TeChevronRight
SubjectMaterialFagstoff

Fagartikkel

Te

Te er ein drikk framstilt av tørka blad frå tebusken Camellia sinensis. Tebusken blir dyrka i Asia, då spesielt i Sri Lanka, India, Kina og Japan.

Indisk kvinne holder teblader i hendene.

Legenda fortel at det var den kinesiske keisaren Chen Nung som oppdaga teen i cirka år 2737 før Kristus. Les mer her.

Opphavleg blei tebusken dyrka som medisinplante i Kina, men etter kvart òg berre for å nytast. Først på 1600-talet kom teen til Europa.

Etter innhaustinga blir dei avplukka blada lagde i sola eller på svakt oppvarma jernplater til dei visnar og fell saman. Vassinnhaldet blir på denne måten redusert med 50 prosent.

Det finst fire grunntypar av te

  1. kvit te som er berre hausta og tørka
  2. grøn te som er varma og tørka
  3. oolong-te som er oksidert før han er varma
  4. svart te som er fullstendig oksidert


Kvaliteten på teen heng saman med kva delar av planten som blir brukt, og kor finmalen teen er.

Trekking av te

Fyll kjelen med kaldt, friskt vatn.
Bruk cirka 2 g te per 200 ml vatn.
Kok opp vatnet og avkjøl det litt, til 95-97 °C, før du tilset teen.
Små mørke teblad skal trekkje i 2-3 minutt.
Større teblad trekkjer du i 3-5 minutt.

Te skal serverast i store vide koppar. Det er vanleg å balansere teen med sukker, mjølk, honning eller sitron.

Læringsressursar

Te og kakao

SubjectEmne

Fagstoff