Hopp til innhald

  1. Home
  2. Restaurant- og matfag Vg1ChevronRight
  3. RåvarerChevronRight
  4. Grønsaker, frukt og bærChevronRight
  5. Nøtter og mandlarChevronRight
SubjectMaterialFagstoff

Fagartikkel

Nøtter og mandlar

Ei nøtt er ein tørr, hard frukt med skal rundt. Botanisk sett er dei ikkje alltid nøtter, sjølv om vi til dagleg tenkjer på dei som det.

Ulike typar nøtter mot kvit bakgrunn. Foto

Til dømes kan vi nemne at peanøtter eigentleg er belgfrukter, mandlar, kokosnøtter, valnøtter og pekannøtter er steinfrukter og pinjekjernar er frø – botanisk sett. Her har vi derimot valt å omtale dei som nøtter alle saman.

Bruksområde

Nøtter er smakfulle og allsidige med mange bruksområde. Nøtter kan vi ete naturell eller rista og salta som snacks. Dei blir mykje brukte i bakverk og kaker, i konfekt eller som smakstilsetjing i iskrem.Ulike typar nøtter kan nyttast som smaksetjar i sausar, som garnityr, i salatar og i wok. Dei kan òg køyrast i blender og brukast som tjukningsmiddel i sausar. Av nøtter kan vi vinne ut smakfulle oljer som vi bruker i dressingar og som smakstilsetjing i sausar. Nøtter kan òg nyttast som pålegg, til dømes peanøttsmør.

Næringsinnhald

Nøtter inneheld mykje feitt, men feittet er for ein stor del umetta. Det vil seie sunt feitt som vi generelt bør ete mer av. Unntaket er kokosnøtter, som inneheld mest metta feitt som vi ikkje bør få i oss for mykje av. Dessutan inneheld nøtter vitamin E, folat, jern, zink, kalsium, magnesium og fiber. Nøtter inneheld òg mykje protein, noko som gjer dei til eit kjærkome tilskot til vegetarisk mat.

I dei norske kostråda tilrår ein at vi et 20 g usalta nøtter om dagen.

Lagring

Ettersom nøtter inneheld mykje feitt, harsknar dei lett under oppbevaring. Vårt tips er å oppbevare nøtter i kjøleskap. Heile nøtter med skal held seg betre enn skrelte og hakka nøtter. Nøtter med mugg/mugglukt må ikkje etast, men kastast!

Læringsressursar

Grønsaker, frukt og bær

SubjectEmne

Fagstoff

SubjectEmne

Oppgaver og aktiviteter