Hopp til innhald

  1. Home
  2. Restaurant- og matfag Vg1ChevronRight
  3. KokkChevronRight
SubjectMaterialFagstoff

Fagstoff

Kokk

Kokkfaget er eit internasjonalt fag som stadig endrar seg ved at det blir tilført nye råvarer og nye impulsar frå heile verda. Kokken, som fagarbeidar, skal kunne lage til mat for alle typar menneske og anledningar, i samsvar med nasjonale og internasjonale tradisjonar og trendar.

Ein kvinneleg kokk på eit kjøkken. Foto.

Fakta

Yrkesnemning:
Kokk med fagbrev

Utdanning:

Vg1 Restaurant- og matfag
Vg2 Kokk- og servitørfag
Vg3 Kokkfag (Opplæring i bedrift – 2 år)

Eventuell vidareutdanning:

Meisterutdanning, fagskule, generell studiekompetanse, høgskule, universitet


Kva gjer ein kokk?

Som ferdigutdanna kokk kjem du til å kunne jobbe med mat på ei rekkje ulike stader. I tillegg til å lage til nydeleg mat må du kunne mykje om planlegging, innkjøp, lagring, produksjon, kvalitetssikring, presentasjon og økonomi. Du må sjølvsagt òg vere i stand til å kommunisere med kollegaer og gjester for å sikre at maten du lagar fører til at gjestene trivst og ønskjer å oppleve kokekunstane dine igjen.

Bilete av ein tallerken med dessert og ei flaske med dessertvin i bakgrunnen. Foto.
Som kokk må ein kunne komponere og leggje opp lekre rettar.

Sentrale arbeidsoppgåver:

  • komponere rettar og menyar i samsvar med gjestene sine ønskje og behov
  • lage mat til ulike anledningar, både kvardag, fest og ved spesielle behov
  • nytte ulike typar råvarer og tillagingsmetodar
  • planleggje innkjøp og berekne pris
  • leggje opp og presentere mat
  • reinhald og produksjonhygiene
Kokkar legg opp mat på mange tallerkenar til eit selskap. Foto.
Mange gjester og høgt arbeidstempo er vanleg i kokkfaget.

Kvar kan eg jobbe?

Arbeidsplassane som kokk er knytt til kjøkken på serveringsstader innanfor alt frå hurtigmat til gourmetrestaurantar, frå hotell og andre overnattingsbedrifter, turistskip, boreriggar, handelsskip og fiskefartøy til ferskvareavdelingar i daglegvarebutikkar.

buffé. Foto.
Ein må kunne lage til ulike typar bufféar og anretningar.

Ein dugande kokk:

  • er glad i å lage mat
  • er kreativ og har estetisk sans
  • jobbar godt under press
  • har gode kommunikasjonsevner og jobbar godt i team
  • har god personleg hygiene
  • er serviceorientert

Meir informasjon om yrket finn du på:

Les meir om fagbrev for kokker på vilbli.no.

Les mer om kokkeyrket på utdanning.no.