Hopp til innhald

  1. Home
  2. Restaurant- og matfag Vg1ChevronRight
  3. Tillaging og produksjonChevronRight
  4. DessertarChevronRight
SubjectMaterialFagstoff

Fagartikkel

Kremar og glasurar

Dei vanlegaste kremane og glasurane er fløytekrem, smørkrem, kokte kremar og kaldrørte kremar. Kremar og glasurar blir brukte i eller på kaker og enkelte bakverk. Dei kan òg serverast ved sida av på dessertbuffeten.

En bløtkake med revet sjokolade og jordbær. Foto.

Fløytekrem:

Piska kremfløyte kan vi bruke naturell, eller vi kan tilsetje ulike smaksstoff. Fløyten må vere kjøleskapskald for å få best resultat når vi piskar han. Om sommaren kan verlaget verke inn på kor lett vi får kremen stiv utan at han blir kornete. Kremen bruker vi som fyll i ulike kremkaker, som pynt eller som ein eigen kremdessert.

Smørkrem:

Denne kremen lagar vi av usalta smør, sukker og smaksstoff. Enkelte smørkremar kan òg innehalde egg, fargestoff og stivelse. Smørkrem blir brukt som fyll og dekor på kaker.

Vaniljekrem:

Kokt vaniljekrem er laga av egg, sukker, mjølk og vaniljestong. Denne kremen bruker vi som kakefyll, som tilsetjingar i smørkremar for å redusere feittinnhaldet og som stabilisator i andre kremar. Kokt vaniljekrem kallar vi òg ekte vaniljekrem.

Kaldrørt krem:

Kremen er basert på eit industriframstilt pulver som er laga av sukker, smaksstoff, farge og bindemiddel. Vi blandar pulveret med væske, rører blandinga godt, og kremen er klar til bruk.

Glasurar:

Føremålet med glasuren er å gi ein fin utsjånad samstundes som han forsterkar smaksinntrykket frå produkta. Glasur bruker vi som overtrekk eller pynt på konditorprodukt.

Melisglasur lagar vi av melis og vatn. Eggekviteglasur lagar vi av melis og eggekvite. Sjokoladeglasur blir laga av rein smelta sjokolade eller sjokolade tilsett fløyte og/eller smør.

Læringsressursar

Dessertar

SubjectEmne

Fagstoff

SubjectEmne

Oppgaver og aktiviteter