Frå gammalt av blei kjemien gjerne delt inn i to. Den eine delen dreidde seg om det som alt liv (plantar og dyr) var bygd opp av, og blei kalla «organisk kjemi». Den andre delen dreidde seg om alt det andre og blei kalla «uorganisk kjemi».

Tidlegare trudde ein at det ikkje var mogleg å lage dei organiske molekyla som liv var bygd opp av, men dette viste seg å vere feil. I dag blir det laga massevis av organiske molekyl som er svært viktige for oss, mellom anna til medisinar, plast, gjødsel, tøystoff og mange andre ting.

I 1828 blei kjemikaren Friedrich Wöhler den første som laga eit organisk stoff av uorganiske materiale. Han laga urea, som mellom anna blir brukt i gjødselproduksjon.

Det vi kallar «organisk kjemi» i dag, dreier seg om alle stoff som inneheld grunnstoffet karbon (med nokre få unntak). Alt som har med liv å gjere – som protein, enzym, vitamin, karbohydrat og nukleinsyrer – er organiske molekyl. I tillegg er olje og gass, mat og medisinar òg organiske molekyl.

Teknologi- og industri

Organisk kjemi