Eit av dei viktigaste hjelpemidla vi har for å forstå prosessar, er flytskjema. Desse gir ei grafisk framstilling av prosessen. Einingsoperasjonar blir som oftast framstilte som boksar eller enkle teikningar av prosessutstyr, og desse er kopla saman med linjer som viser transportretninga.

Eit flytskjema er ein skjematisk presentasjon av ein prosess.

At presentasjonen er «skjematisk», betyr at det er ei symbolsk og forenkla framstilling. Det er viktig at flytskjemaa ikkje blir for detaljerte, for då misser ein lett oversikta. Sidan det jo nettopp er oversikt ein vil ha, bør vi derfor alltid forenkle så mykje som mogleg. Ein annan type diagram som blir mykje brukt i industribedrifter, blir kalla P&ID (teknisk flytskjema). I motsetning til den typen flytskjema vi ser på her, skal eit P&ID vere så detaljert som mogleg.

Teknologi- og industri

Flytskjema