Det er viktig å ha kunnskapar om menneskekroppen når du skal jobbe innan helse - og oppvekstsektoren. Det blir forventa at du som fagarbeidar har god kjennskap til både korleis kroppen er bygd opp, og om funksjonen til dei ulike organsystema.

Immunsystemet, eller immunforsvaret, er forsvaret til kroppen mot framande stoff som kan gjere oss sjuke. Det ytre immunforsvaret består av hud og slimhinner som forhindrar at smittestoff trengjer inn i kroppen. Det indre immunforsvaret blir aktivert når smittestoff er kome inn i kroppen.