Case

Google lanserte Chromecast for smart-tv for nokre år sidan. Salet har vore enormt, og produktet har blitt rivne bort så fort dei har komme i butikkhyllene. Chromecast har vist seg å vere ein suksess, med svært fornøgde brukarar, og er blitt ein sterk konkurrent til Apples tv-boks.

Du koplar produktet til smart-tv-en via HDMI-inngangen og kan streame innhald frå nettet via ei rekkje ulike typar einingar. Du kan sjå innhaldet på smarttelefon, nettbrett, Mac eller pc, eller du kan streame innhald via ulike appar rett til tv-skjermen i stua di.eDet betyr også at du kan klare deg utan kabel-tv og parabol.

Google er likevel ikkje heilt fornøgd med salet og fortenesta av produktet. Chromecast kostar i dag 190 kroner i innkjøp for Google. Kostnadene til utvikling og lansering har vist seg å bli svært høge. Tv-marknaden er knalltøff, og Google ønskjer å vere leiande i denne utviklinga. Det er fleire elektrokjeder som tilbyr produktet, og som sit igjen med større forteneste enn Google sjølv gjer. Google ønskjer å endre strategi for å hente ut meir av fortenesta.

Google er eit stort internasjonalt selskap, og de blir kontakta av Googles avdeling i Noreg for å hjelpe til med arbeidet med den nye strategien. Google ønskjer å starte utviklinga av ein Chromecast Brand Store i Norge. Dei vurderer også nettbutikk. Google Norge trur dette vil føre til at dei tek tilbake kontrollen over produktet og dermed vil sitje igjen med større forteneste for kvart selde produkt.

Læringsoppdrag

Google Norge ønskjer at de skal lage ein plan som viser korleis Chromecast Brand Store AS i Noreg kan gjerast lønnsam. I samband med det får de desse tre arbeidsoppdraga:

Oppdrag 1 Marknadsføring og sal

Utarbeid ein forretningsidé for Chromecast Brand Store AS.

Lag ein marknadsplan som inneheld ein SOFT-analyse, marknadsmål, målgruppe, bruk av konkurransemidlane (dei fem p-ane) og ein aktivitetsplan for ein vald periode. Hugs å grunngi vala dykkar.

Oppdrag 2 Økonomi og administrasjon

Beskriv kva Chromecast Brand Store AS treng av eigedelar, utstyr og betalingsmidlar (anleggs- og omløpsmidlar) for å få etablert butikken.

Lag ei oversikt over korleis Chromecast Brand Store AS skal finansiere etableringa.

Set opp ein inngåande balanse.

Google Norge betaler 190 kr i innkjøpspris for éin Chromecast. Lag ein kalkyle som viser korleis de kjem fram til utsalsprisen. Grunngi valet av kalkyle og den endelege utsalsprisen.

Set opp eit driftsbudsjett for det første driftsåret.

Gå igjennom stillingsbehovet, og beskriv ein tilsetjingsprosess for Chromecast Brand Store AS. Utform ein stillingsannonse, og kom med forslag til kvar annonsen bør publiserast. Hugs å grunngi vala dykkar.

Oppdrag 3 Tryggleik

Elektrobransjen er svært utsett for svinn ved mindre tjuveri og steling. Dei aller fleste tjuveri- og naskerisaker skjer mellom klokka 12.00 og klokka 19.30 med ein topp mellom klokka 15.30 og klokka 17.30.

Butikktjuvar er framleis hovudårsaka til svinn i butikkane, medan uærlege tilsette er dei som stel varer av størst verdi. Tjuvar står for over halvparten av alt svinn, medan butikktilsette står for omtrent ein tredjedel. Norske butikktilsette stel for i gjennomsnitt 2345 kroner, og det gjer nordmenn til verstingar i Norden. Administrative feil står for cirka ein femtedel av svinnet.

Utarbeid ein risikoanalyse for Chromecast Brand Store AS.

Lag ein handlingsplan med forslag til tiltak som kan redusere svinn.

Du skal svare på alle dei tre arbeidsoppdraga.

Sida har flytta, men du kan finne den her: