Firmaet 123 Datahjelp AS ligg sentralt på Bryne. Firmaet driv med sal av datautstyr, har kundestøtte og eigen verkstad. I tillegg hjelper dei til med å setje opp e-post, nettsider, nettverksløysingar og tryggleikskopiering. Målgruppa til bedrifta er i hovudsak små og mellomstore bedrifter i nærmiljøet. Firmaet har eigen butikk som ligg i tilknyting til verkstaden og kontoret. All verksemd er retta mot bedriftskundar. Firmaet har fem tilsette på fulltid. To arbeider fast på kontoret / i butikken og på verkstaden. Dei tre andre er ute i feltet på oppdrag. Firmaet har også høve til å leige ut tilsette over lengre tid.

Dei får av og til besøk av privatkundar, og no har dei tilsette snakka om at det kanskje kunne vere ein god idé å tilby same tenestene og produkta til forbrukarmarknaden. Serviceteknikaren er negativ. Han synest til og med at bedriftskundane kan vere ei utfordring, sidan kunnskapsnivået etter hans meining er labert. Korleis skal det då gå med vanlege folk som er både masete og uvitande? Han meiner også at bedrifta i tilfelle må utvide opningstidene, og han er slettes ikkje interessert i å arbeide lenger for å dekkje denne marknaden.

123 Datahjelp har hatt fleire opplevingar der uønskte gjester har teke seg inn i butikkdelen, og dei ønskjer no å setje opp overvakingskamera, både i og utanfor butikken. Nokre av dei tilsette har høyrt at ein ikkje kan gjere det sånn utan vidare. Fleire av kundane har bedt om forslag til korleis dei kan ta vare på personvernet til dei tilsette på arbeidet, og ønskjer eit skjema over korleis dei kan gjere det. Dei ønskjer også ei oversikt over kva truslar ein bør sikre seg mot, og kva tiltak ein skal setje i verk.

Dagleg leiar i 123 Datahjelp har fått ein førespurnad frå Time Sparebank. Banken har eit stort ønske om at dei aller fleste av kundane deira skal bruke nettbank, men opplever at den eldre kundegruppa «heng» etter. Dei ønskjer derfor at 123 Datahjelp skal halde kurs for denne kundegruppa. Dagleg leiar tenkjer at dette også er ei teneste og eit produkt dei kan tilby til fleire, særleg med tanke på forbrukarmarknaden.

De er tilsette i konsulentfirmaet MAX-IT og skal hjelpe 123 Datahjelp med løysingar på aktuelle problemstillingar.

Oppdrag 1

Resultatrekneskapen for 123 Datahjelp per 31.12.2010:

Salsinntekter	5 000 000,–
Varekostnader	2 000 000,–
Dekningsbidrag	3 000 000,–

Lønn	2 000 000,– (inkl. arbeidsgivaravgift og feriepengar)
Husleige	100 000,–
Bilutgifter	50 000,–
Reklame	50 000,–
Reiseutgifter	25 000,–
Kontorutgifter	25 000,–
Renteutgifter	20 000,–
Andre kostnader	10 000,–
Årsresultat	720 000,–

Set opp resultatbudsjett for 2011 der de tek omsyn til desse endringane:

Dagleg leiar reknar med at salsinntektene aukar med 20 prosent.
Bedrifta kalkulerer med same dekningsgraden som i rekneskapen for 2010
Lønnsutgiftene aukar med fem prosent.
Ta høgde for lønnsutgifter til nytilsett som skal handtere forbrukarmarknaden. Lønn til denne personen er budsjettert til kr 300 000,–(utan feriepengar og arbeidsgivaravgift).
Reklameutgiftene aukar med 20 prosent.
Kontorutgiftene aukar med 20 prosent.

Oppdrag 2

Tala til bedrifta per 31.12.2011

Omsetning	5 500 000,–
Varekostnad	2 250 000,–
Auke i husleieøkning	10 000,–
Auke i reiseutgifter	25 000,–

Dei andre utgiftene blei som budsjettert. Set opp ein avviksanalyse (budsjettkontroll) og kommenter avvika.

Oppdrag 3

I samband med tilsetjinga av ein ny medarbeidar blir de bedne om å utarbeide ei stillingsannonse. De skal også gjere greie for dei ulike stega i tilsetjingsprosessen. I tillegg skal de skrive dei nødvendige breva i samband med tilsetjinga.

Marknadsføringa har til no vore prega av å vere tilfeldig og sporadisk. De skal som konsulentar hjelpe 123 Datahjelp med ulike problemstillingar som gjeld marknadsføring og marknadsaktivitetar.

Oppdrag 4

Lag ein marknadsplan for bedrifta. Marknadsplanen skal innehalde alle elementa med hovudvekt på kva marknader som er moglege, og bruken av konkurransemiddel.

Oppdrag 5

Før firmaet startar opp kursverksemda ønskjer dei ein gjennomgang av moglege målgrupper og satsingsområde. Dei ønskjer også å få forslag til marknadsaktivitetar retta mot dei ulike målgruppene.

Oppdrag 6

Bedrifta har i dag ikkje noko system for teknisk sikring. Heller ikkje fysisk sikring har vore prioritert verken ute eller inne.
De blir bedne om å komme med forslag til tiltak for korleis bedrifta kan sikre verdiane sine både ute og inne.

Oppdrag 7

De blir bedne om å komme med forslag til korleis bedrifta kan ta hand om personvernet både for kundar og tilsette.

Desse kompetansemåla skal dekkjast i presentasjonen:

Markedsføring og salg:

gjøre rede for produktutviklingsprosesser og produktets livssyklus og bruk av ulike konkurransemidler i varer og tjenester
lage og presentere en markedsplan for en virksomhet

Økonomi og administrasjon:

beregne pris på varer og tjenester til forbruker-, bedrifts- og institusjonsmarkedet, utarbeide tilbud og vurdere konsekvenser av prisendringer
lage resultat- og likviditetsbudsjetter med nødvendige periodiseringer
bruke avvik mellom budsjett og regnskap som styringsredskap og beslutningsgrunnlag for drift og investering
lage og følge prosedyrer i en ansettelsesprosess og gjøre rede for prinsipper for personalutvikling

Sikkerhet:

behandle og kvalitetssikre personalopplysninger i henhold til bestemmelser i gjeldende regelverk
bruke IKT-redskaper i samsvar med krav til sikkerhet og foreslå tiltak som hindrer uautorisert tilgang gjennom interne og eksterne kanaler
vurdere utviklingen i trusselbildet som grunnlag for anskaffelse og utvikling av produkter og tjenester som reduserer risiko

Sida har flytta, men du kan finne den her: