Biokjemisk omdanning av biomasse utan oksygen

Mikroorganismar lagar biogass

Nedbryting av biomasse utan oksygen (anaerob nedbryting) går føre seg i søppelfyllingar og i kloakkslam frå reinseanlegg. Ved hjelp av mikroorganismar blir dei organiske stoffa i biomassen danna om til ei gassblanding av metan (CH₄) og karbondioksid (CO₂). Bruker vi eit enkelt karbohydrat (glukose) som eksempel, kan vi skrive reaksjonslikninga for nedbrytinga slik:

Gassblandinga på høgre side av reaksjonslikninga kallar vi biogass. For å unngå at metangassen, som har endå større drivhuseffekt enn CO₂, slepp ut i atmosfæren, blir han samla opp og brukt som nyttig brensel.

Gjæring

Gjærceller har evne til å bryte ned karbohydrat. Etanol og karbondioksid blir danna som eit biprodukt av gjæring.

Denne prosessen skjer uavhengig av oksygen og er dermed klassifisert som anaerob.

Biokjemisk omdanning av biomasse med oksygen

Det er denne prosessen som går føre seg inne i menneskekroppen og i dei fleste andre organismar. Om vi framleis bruker glukose som eksempel på eit organisk stoff, kan vi skrive reaksjonslikninga slik:

Som ved alle forbrenningsreaksjonar blir det frigjort energi. Det er derfor alltid godt og varmt i ein komposthaug. Denne varmen kan vi utnytte til oppvarming av bustader direkte eller via varmepumper.