Formål

Lære korleis vi lett kan påvise protein og glukose i matvarer.

Innleiing

Uristix har to farga felt på kvar testpinne. Desse felta endrar farge dersom dei kjem i kontakt med stoffa det blir testa for. Det eine feltet skifter farge ved påvising av glukose, mens det andre feltet skifter farge ved påvising av protein.

Utstyr

Uristix (testpinnar til å påvise glukose og protein i urin), ca. 1 dl mjølk eller annan proteinhaldig drikk, 1 dl juice eller annan glukosehaldig drikk

Framgangsmåte

1. Dypp ein Uristix testpinne i mjølk i om lag eit halvt sekund.
2. Vent i eit halvt til eitt minutt og samanlikn så fargen på fargefelta på testpinnen med tilsvarande fargefelt på Uristix' fargekode på emballasjen. Les av resultatet.
3. Dypp ein Uristix testpinne i juice i eit halvt sekund.
4. Vent i eit halvt til eitt minutt og samanlikn så fargen på fargefelta på testpinnen med tilsvarande fargefelt på Uristix' fargekode på emballasjen. Les av resultatet.