1. Home
  2. NaturfagChevronRight
  3. Berekraftig utviklingChevronRight
  4. Klima: Ei framtid du ikkje vil haChevronRight
  5. Best i test!ChevronRight
TasksAndActivitiesOppgaver og aktiviteter

Oppgaver og aktiviteter

Best i test!

For å gjere det lettare for oss å ta berekraftige val når vi kjøper noko, er det utvikla ei rekkje merkeordningar. Desse gir informasjon om miljø, sosiale forhold og dyrevelferd. I tillegg bør vi vurdere transport og bruk av emballasje. Samanlikn ulike varer og kår den mest berekraftige!

Tre kvinner shopper. Foto.

Oppdrag

Du jobbar med å lage forbrukarstoff for ein kjend TV-kanal, ei avis eller ein blogg. Lag ein reportasje der du samanliknar fleire produkt frå same varegruppe på bakgrunn av ei rekkje berekraft-kriterium.

Tidsbruk og organisering

2 timar. Rekn med meir tid dersom du skal kjøpe inn varer.

Set i gang!

Finn ut kva for type vare du skal vurdere. Det er lurt å velje ein varetype som det er lett å finne informasjon om (for eksempel klede, kaffi, meieriprodukt, frukt, sjokolade, fisk, vaskemiddel). Varene må kunne samanliknast.

Bestem kva for kriterium du skal vurdere varene ut frå. Dette kan vere kor miljøvennlege varene er (sjå etter miljømerke), sosiale forhold og lønn til produsentar (sjå etter merking), kor vara er produsert (lokalt/importert), bruk av emballasje (nødvendig/resirkulert/resirkulerbar/nedbrytbar), om vara er testa på dyr, og andre kriterium.

Forbrukarrådet si merkeoversikt

Miljømerke klistret på banan. Foto.
Rainforest Alliance-merke på banan

Diskuter:

Kva for kriterium meiner de er viktigast for å vurdere om eit produkt er berekraftig?

Finn informasjon om dei ulike produkta. Søk på Internett, kjøp inn varene, ta med heimanfrå eller spør i butikken. Gi varene poeng ut frå korleis du meiner dei skårar på dei ulike kriteria. Dei kriteria som er viktigast for å vurdere om produktet er berekraftig, bør bli gitt størst vekt.

Best i test – vurderingskjema

Filer

No blir det spanande å sjå kva for ei vare som blir best i berekraft-testen din!

Produkt

Resultata kan presenterast som ein video, ein biletserie, infografikk, blogginnlegg eller ein kombinasjon av desse.

Læringsressursar

Klima: Ei framtid du ikkje vil ha

SubjectEmne

Fagstoff

SubjectEmne

Oppgaver og aktiviteter