Før du analyserer ein spelefilm i full lengde, kan det vere nyttig å starte med å analysere ein film i eit kortare format. Du skal no sjå og analysere kortfilmen Snø gjennom å følgje tre steg.
Om filmen
Snø er ein norsk kortfilm frå 2013, regissert av Hans Otto Nicolayssen. Filmen handlar om ein komponist som forsøkjer å fange lyden av snøfnugg. Det er skodespelar Helge Jordal som tolkar rolla som komponisten.
Analyser kortfilmen Snø
Omfang: ca. to A4-sider
- Sjå først kortfilmen. Legg merke til kva som er spesielt med filmen. Noter gjerne inntrykka dine undervegs, eller rett etter at du er ferdig med å sjå.
- Formuler spørsmål og gå i djupna. Sidan dette er ein film utan dialog, bør du leggje vekt på forteljetekniske verkemiddel som for eksempel bruk av lyd, klipp, kamerarørlser og miljøskildringar.
- Disponer og skriv analysen.
Eigenvurdering
Diskuter med ein medelev:
- Kva fekk de ut av analysen?
- Vart filmen meir eller mindre interessant etter arbeidet med han?
- Oppdaga de noko uventa med omsyn til bruk av lyd, bruk av biletutsnitt, klipping eller liknande? Fekk de ei ny forståing av filmspråk eller lydarbeid, for eksempel?
- Korleis kan de bruke filmanalyse som verktøy for å lage betre filmar sjølv?
CC BY-SASkrive av Tina Andersson Jensen. Rettshavar: Norgesfilm AS
Sist fagleg oppdatert 19.07.2017