Oppgåve

Gå saman i grupper og lag ein presentasjon om den subkulturen de har valt.

De står fritt til å velje form, men tenk over korleis de best kan formidle kulturuttrykka. Ver kreative, og ta medelevane dykkar med på ei kulturreise!

I presentasjonen bør de svare på desse spørsmåla om subkulturen:

• Kva for kulturuttrykk er typiske? (klede, hår, sminke, musikk, kunst, litteratur, aksjonsformer, levemåtar)
• Kvar oppstod kulturen?
• Kven er/var sentrale aktørar eller førebilete?
• Kva for normer og verdiar pregar kulturen? Korleis blir normene og verdiane kommuniserte?
• På kva slags måte er denne subkulturen ein reaksjon på den rådande kulturen hos vaksne? Her kan de ta med historiske hendingar som har verka inn på denne ungdomsgenerasjonen.
• Er denne subkulturen fanga opp av marknadsføringskrefter og blitt "mainstream"? Vis i tilfelle døme på det (til dømes i klede, film eller reklame).
• Kva forhold har de til kulturen de har presentert? Er de inspirerte på nokre område? Spør gjerne tilhøyrarane om det same.