Oppgåve 1: Europas kamp mot falske nyheiter

Les denne artikkelen: Europas kamp mot falske nyheter

• Set deretter opp fire forslag til tiltak mot falske nyheiter.
• Presenter desse forslaga for ein medelev og bli saman einige om fire forslag i prioritert rekkjefølgje.
• Presenter forslaga for resten av klassen.
• Gjennomfør så ein diskusjon i klassen om tiltak mot falske nyheiter.

Oppgåve 2: Studer ein nyheitsnettstad

Studer denne nyheitsnettstaden: AWDnews

Bruk det du har lært så langt, og avgjer om du stoler på dei nyheitene du finn her. Grunngi svaret.

Oppgåve 3: Faktasjekk av nyheitssak

Hausten 2016 vart saka « Barnehage ble nektet lussekatter av muslimsk far» frå Frihetsavisen hyppig delt i sosiale medium.

• Bruk det du har lært om faktasjekking til å faktasjekke denne nyheitssaka.
• Sjå deretter videoinnslaget Falske nyheiter fører til meir rasisme.

Oppgåve 4: Nyheiter tilpassa din personlege smak

I framtida vil nyheitene vere tilpassa din personlege smak. Les denne artikkelen: Skulle du ønske du slapp å lese mer om Trump?

• Kva skulle DU ønskje du fekk lese meir om?
• Kva skulle DU ønskje du fekk lese mindre om?
• Kva er fordelane og ulempene ved at nyheitene blir tilpassa din personlege smak?
• Kva er ei filterboble?

Oppgåve 5: Fake It To Make It

IT-utviklar og designar Amanda Warner har late seg inspirere av dei makedonske tenåringane som klarte å tene pengar på å skape falske nyheiter på den amerikanske valkampanjen. Resultatet er eit slags strategispel der du driv din eigen butikk basert på falske nyheiter – spelet har ho kalla « Fake It To Make It». Spelet kan du spele rett i nettlesaren.

• Test ut dette spelet og vurder kva du kan lære om falske nyheiter ut frå eit slikt spel.

Oppgåve 6: Skriv ei ekte og ei falsk nyheit

• Bruk det du kan og har lært så langt, til å skrive ei ekte og ei falsk nyheit. Hugs at i ei nyheitssak kjem det viktigaste først. Bruk også desse spørjeorda til hjelp: kven, kva, kvar, kvifor, korleis og når.
• Presenter nyheitene for ein medelev utan at du seier kva for ei som er ekte og falsk. Be medeleven gisse.
• Presenter så nyheitene for resten av klassen på same måten.
• Deretter publiserer du nyheitene på Facebook-profilen din og utfordrar venegjengen din til å finne ut kva for ei sak som er falsk, og kva for ei som er ekte.