For at vi skal byggje hus, vegar, kraftverk og alt anna vi har behov for, trengst det mange forskjellige yrke. Her presenterer vi mange av yrka. Du får vite kva dei forskjellige handverkarane gjer. Vi viser noko av den grunnleggjande kunnskapen som trengst for å arbeide i byggjebransjen.

Målaren beskyttar og dekorerer overflater med måling, tapet og belegg. Han gjer det utvendig og innvendig på alle typar bygg. Faget har stort fokus på HMS, kvalitet og samarbeid.

NCS er eit fargesystem som byggjer på korleis vi menneske ser fargar. Bokstavane står for Natural Colour System. Vi bruker systemet til å beskrive fargar presist ved hjelp av kodar og til å finne fargar som passar saman.